యంగ్ రెబెల్ స్టార్ ప్రభాస్ ప్రస్తుతం 'రాధే శ్యామ్' చిత్రంలో నటిస్తున్న సంగతి తెలిసిందే. ఈ సినిమా తర్వాత నాగ్ అశ్విన్ దర్శకత్వంలో నటించేందుకు ప్రభాస్ రెడీ అవుతున్నారు. ఈ సినిమాకు సంబంధించిన అధికారిక ప్రకటన ఇప్పటికే వచ్చింది. ప్రస్తుతం ప్రీ ప్రొడక్షన్ జోరుగా సాగుతోంది. తాజాగా ఈ సినిమా సంగీత దర్శకుడి గురించి ఓ ఇంట్రెస్టింగ్ టాక్ వినిపిస్తోంది.
ఈ సినిమా విభిన్నమైన కథాంశంతో తెరకెక్కుతోందని, అంతర్జాతీయ స్థాయిలో సినిమాను రిలీజ్ చేయడానికి సన్నాహాలు చేస్తున్నారని ఇప్పటికే వార్తలు వచ్చాయి. ఈ సినిమా కథకు తగ్గట్టు సంగీతం అందించాలంటే ఓ సీనియర్ మ్యూజిక్ డైరెక్టర్ అవసరమని భావించి ఎంఎం కీరవాణిని సంప్రదించారట. 'బాహుబలి' లాంటి యూనివర్సల్ అప్పీల్ ఉన్న సినిమాకు కీరవాణి అందించిన అద్భుత సంగీతం చాలా ప్లస్ అయింది. అందుకే ఈ సినిమాకు కూడా కీరవాణి న్యాయం చేయగలరని నాగ్ అశ్విన్ అభిప్రాయమట.
కీరవాణి ఈమధ్య చాలా సెలెక్టివ్ గా సినిమాలు చేస్తున్నారు. ఇది ప్రభాస్ హీరోగా వైజయంతి మూవీస్ వారు ప్రతిష్ఠాత్మకమైన సినిమా కావడంతో కీరవాణి సంగీతం అందించడం ఖాయమేనంటున్నారు.
