చిరంజీవి ప్ర‌స్తుతం 'ఆచార్య‌'తో బిజీగా ఉన్నాడు. త్వ‌ర‌లోనే ఈ సినిమా షూటింగ్ ప్రారంభం కాబోతోంది. ఆ త‌ర‌వాత `లూసీఫ‌ర్‌` రీమేక్ ప‌ట్టాలెక్కాలి. సుజిత్ ఈ సినిమా ప్లానింగ్ లో త‌ల‌మున‌క‌లై ఉన్నాడు. ఈలోగా సుజిత్‌కి చిరు భారీ షాక్ ఇచ్చిన‌ట్టు తెలుస్తోంది.

లూసీఫ‌ర్ రీమేక్‌ని చిరంజీవి ప‌క్క‌న పెట్టేసిన‌ట్టు తాజా స‌మాచారం. లూసీఫ‌ర్‌కి సంబంధించిన ప‌నులు ప‌క్క‌న పెట్ట‌మ‌ని... చిరు ఈ యువ ద‌ర్శ‌కుడ్ని ఆదేశించాడ‌ట‌. దాంతో.. సుజిత్ ఆశ‌ల‌పై నీళ్లు చ‌ల్లిన‌ట్టైంది. ఆచార్య త‌ర‌వాత‌... బాబీ సినిమాని మొద‌లెట్టాల‌న్న ఆలోచ‌న‌లో ఉన్నాడు చిరు. ఇటీవ‌ల బాబీ చిరుకి ఓ క‌థ చెప్పాడు. అది చిరుకి బాగా న‌చ్చింది. లూసీఫ‌ర్ రీమేక్ అయ్యాకే... బాబీ సినిమా మొద‌ల‌వ్వాలి.కానీ ఇప్పుడు బాబీ కోసం లూసీఫ‌ర్ ని వ‌దులుకోబోతున్నాడ‌ట చిరు. `సాహో` త‌ర‌వాత చిరుతో క‌లిసి ప‌నిచేసే ఛాన్సొచ్చింద‌ని సంబ‌ర ప‌డిన సుజిత్‌కి ఇది షాకే. మ‌రి లూసీఫ‌ర్‌ని పూర్తిగా ప‌క్క‌న పెట్టారా? లేదంటే బాబీ సినిమా అయ్యాక లూసీఫ‌ర్ మొద‌లెడ‌తారా అనేది మాత్రం తెలియాల్సివుంది.