చారిత్ర‌క నేప‌థ్యం ఉన్న సినిమాలు తెలుగులో వ‌రుస క‌డుతున్నాయి. `ఆర్‌.ఆర్‌.ఆర్‌` అలాంటి సినిమానే. ఇప్పుడు మ‌రో సినిమా రెడీ అవుతోంది. ఎన్టీఆర్ - ప్ర‌శాంత్ నీల్ కాంబినేష‌న్‌లో ఓ సినిమా రాబోతున్న సంగ‌తి తెలిసిందే. మైత్రీ మూవీస్ నిర్మిస్తోంది. ఇదొక పిరియాడిక‌ల్ డ్రామా అని స‌మాచారం. కేజీఎఫ్‌తో ఆక‌ట్టుకున్నాడు ప్ర‌శాంత్ నీల్‌. అది కూడా పిరియాడిక‌ల్ యాక్ష‌న్ డ్రామానే.

కాక‌పోతే... హీరోయిజం ఓ రేంజులో ఉంటుంది. హీరోని ప్ర‌శాంత్ నీల్ చూపించే విధానం అంద‌రికీ న‌చ్చింది. అందుకే.. ఆ సినిమాకి బ్ర‌హ్మ‌రథం ప‌ట్టారు. అప్ప‌టి నుంచీ ప్ర‌శాంత్ తో ఓ సినిమా చేయాల‌ని హీరోలంతా ఎదురు చూశారు. మ‌హేష్ బాబు - ప్ర‌శాంత్ నీల్ మ‌ధ్య చ‌ర్చ‌లు జ‌రిగాయి. అయితే... ఎన్టీఆర్ మాత్రం ప్ర‌శాంత్‌ని లాక్ చేసేశాడు. త్రివిక్ర‌మ్ సినిమా ముగిసిన వెంట‌నే... ప్ర‌శాంత్ నీల్ ప‌ట్టాలెక్కే ఛాన్సుంది.