బ‌యోపిక్‌ల ప‌రంప‌ర‌లో టాలీవుడ్ ముందుకొచ్చిన మ‌రో జీవిత క‌థ `యాత్ర`. వైఎస్ఆర్ జీవితం చుట్టూ తిరిగి క‌థ ఇది. ఆయ‌న రాజ‌కీయ ప్ర‌స్థానం, పాద యాత్ర, సీఎంగా ప‌నిచేసిన తీరు, హెలీకాఫ్ట‌ర్ ప్ర‌మాదంలో మ‌ర‌ణించిన వైనం.. ఇవ‌న్నీ యాత్ర‌లో చూపించారు. ఆ సినిమా మంచి విజ‌యాన్ని అందుకుంది. ఆ వెంట‌నే `యాత్ర 2`కి శ్రీ‌కారం చుట్టారు ద‌ర్శ‌కుడు మ‌హి.వి.రాఘ‌వ. ఆ స్క్రిప్టు ఎప్పుడో పూర్త‌యినా.. వైఎస్ జ‌గ‌న్ పాత్ర‌కి స‌రిపోయే న‌టుడ్ని వెదికి ప‌ట్టుకొనే ప్ర‌య‌త్నంలో ఆల‌స్య‌మ‌వుతూ వ‌చ్చింది. ఎట్ట‌కేల‌కు జ‌గ‌న్ పాత్రకు స‌రిప‌డ న‌టుడు దొరికేశాడు. త‌నే.. ప్రతీక్ గాంథీ.
1992 - స్కామ్ అనే వెబ్ సిరీస్ తో ఆక‌ట్టుకున్నాడు ప్రతీక్. అందులో హర్ష‌ద్ మెహ‌తాగా అల‌రించాడు. ఇటీవ‌ల మ‌హి.. ప్ర‌తీక్‌ల మ‌ధ్య క‌థా చ‌ర్చ‌లు జ‌రిగాయ‌ని, ఈ పాత్ర‌లో న‌టించ‌డానికి ప్రతీక్ ఒప్పుకున్నాడ‌ని స‌మాచారం అందుతోంది. వైఎస్ఆర్ మ‌ర‌ణానంత‌రం ఏర్ప‌డిన పరిస్థితులు, జ‌గ‌న్ పాద‌యాత్ర, సీఎంగా ఎదిగిన వైనం.. ఇవ‌న్నీ యాత్ర 2 లో క‌నిపించ‌బోతున్నాయి. త్వ‌ర‌లోనే ఈ ప్రాజెక్టుకు సంబంధించిన పూర్తి వివ‌రాలు బ‌య‌ట‌కు వ‌స్తాయి.
