ప్రముఖ నటి, యాంకర్ గానే కాక జ్ఞాపిక ఎంటర్టైన్మెంట్ MD గా అందరికీ సుపరిచితురాలు ప్రవీణ కడియాల.  తన అందం, అభినయం మరియు ప్రజ్ఞ తో తనకంటూ ఒక గుర్తింపు గౌరవం సంపాదించుకున్న నేటి మహిళ ప్రవీణ.

హంగామా, అరుంధతి, స్టాలిన్, దమ్ము, లెజెండ్, ఎవడు & సరైనోడు వంటి సినిమాల్లో చక్కని పాత్రలు వేసి అలాగే తన ప్రొడక్షన్ హౌస్ అయిన జ్ఞాపిక ఎంటర్టైన్మెంట్స్ తరపున అలీతో సరదాగా, చెట్ పట్, ఆడాళ్ళా మజాకా, ఎక్స్ ప్రెస్ రాజా వంటి ప్రోగ్రామ్స్ తో తనదైన పంథా లో ముందుకెళ్తున్నారు ప్రవీణ. కేవలం వీటికే పరిమితం కాకుండా సమాజంలో స్త్రీల హక్కులు, వారి చైతన్యం కోసం జరిగే కార్యక్రమాల్లో చురుకైన పాత్ర పోషిస్తూ ఈ తరం వారికీ ఆదర్శంగా నిలుస్తున్నారు అనటం లో అతిశయోక్తి లేదు.

అలాంటి ప్రవీణ ని ఈ అంతర్జాతీయ మహిళా దినోత్సవం సందర్భంగా నల్లమల్లిస్ ఆదర్శ మహిళా ట్రస్ట్ వారు ‘ఆదర్శ మహిళ’ గా ప్రకటించారు. ఈ కార్యక్రమానికి మాజీ కేంద్రమంత్రి శ్రీమతి పురందరీశ్వరి గారు తో పాటుగా అలాగే ప్రముఖ నటి కవిత గార్లు ముఖ్య అతిథులుగా విచ్చేసి, ప్రవీణ ని సత్కరించి ఈ పురస్కారం అందచేశారు.

ఈ పురస్కారాన్ని అందుకున్న ప్రవీణ గారికి iqlikmovies.com తరుపున శుబాభినందనలు. 

ఆడవాళ్ళు అంతరిక్షం లోకి వెళ్తేనే కాదు, వంటిళ్ల నుండి బయటికొచ్చి, స్వశక్తి తో, స్వయంకృషి తో జీవితం లో పైకి వస్తూ, తన కుటుంబమే కాకుండా చుట్టూ ఉన్న వారి గురించి ఎంతోకొంత ఆలోచించాలనీ, తనవంతు పాటుపడాలని ప్రవీణ లాంటి వారిని చూసి ఏ ఒక్కరు ప్రేరణ పొందినా మహిళా దినోత్సవ స్ఫూర్తికి సార్థకం చేకూరుతుంది!