ఒకప్పుడు లిప్లాక్ సీన్స్లో, బికినీ సీన్స్లో నటించాలంటే ముద్దుగుమ్మలు కొంత అభ్యంతరం వ్యక్తం చేసేవారు. దాంతో అత్యవసరం అనుకుంటే కెమెరా ట్రిక్స్తో ఆ సీన్స్ని కానిచ్చేసేవారు. కానీ, ఇప్పుడలా కాదు, వస్తూ వస్తూనే లిప్లాక్స్, రెచ్చిపోయి ఎక్స్పోజింగ్ చేసేస్తున్నారు ముద్దుగుమ్మలు. అయితే, ఈ ముద్దుగుమ్మ రూటే సెపరేటండోయ్. లిప్లాక్స్ ఓకే అంటోంది. కానీ బికినీల్లో అస్సలు కనిపించనంటోంది. ఇంతకీ ఎవరీ ముద్దుగుమ్మ? అనుకుంటున్నారా.? ఇటీవల కార్తీ నటించిన 'కడైకుట్టి సింగమ్' సినిమా గుర్తుంది కదా.
ఆ సినిమాలో సెకండ్ హీరోయిన్గా నటించిన ప్రియా భవానీ శంకర్. లేటెస్ట్గా దర్శకుడు కమ్ నటుడు అయిన ఎస్.జె. సూర్య 'మాన్స్టర్' (అదేనండీ ఎలక సినిమా) సినిమాలోనూ హీరోయిన్గా మెరిసింది. లేటెస్ట్గా ఈ బ్యూటీ ఓ ఇంటర్వ్యూలో తన మనసులోని మాటల్ని పదిలంగా పంచుకుందిలా. ఒకప్పుడు తమిళ టీవీ సీరియల్స్లో నటించిన అనుభవమున్న ఈ భామ ఇప్పుడిప్పుడే సినిమా అవకాశాలు దక్కించుకుంటోంది.
ఆ క్రమంలోనే కార్తి సరసన హీరోయిన్గా నటించింది. మరిన్ని మంచి సినిమాల్లో నటించాలని ఆశపడుతోంది. గ్లామర్కి హద్దులున్నాయి కానీ, నటనకు హద్దుల్లేవంటోంది. సో అవకాశం రావాలే కానీ, ఏ భాషలోనైనా నటిస్తానని సంకేతాలు పంపుతోంది. అయితే, బికినీ సీన్స్లో నటించనని అమ్మడిచ్చిన హింట్, అవకాశాలిచ్చేందుకు అన్ని వర్గాల వారినీ ఎట్రాక్ట్ చేస్తుందా.? ఏమో వేచి చూడాలిక.