టాక్సీవాలాతో తెలుగులో ఎంట్రీ ఇచ్చింది... ప్రియాంకా  జ‌వాల్క‌ర్‌. ఈ సినిమాలో ప్రియాంక పాత్ర‌కు అంత ప్రాధాన్యం లేదు. కాక‌పోతే.. క‌నిపించిన కాసేపూ.. ముద్దుగా, సెక్సీగా క‌నిపించింది. దాంతోపాటు ఈ సినిమా మంచి హిట్ట‌య్యింది. అందుకే టాక్సీవాలా భామ‌కు అవ‌కాశాలు వ‌చ్చిప‌డుతున్నాయి. తాజాగా మాస్ మ‌హారాజా ర‌వితేజ‌తో ఓ సినిమా చేయ‌బోతున్న‌ట్టు తెలుస్తోంది.

వి.ఐ. ఆనంద్ ద‌ర్శ‌క‌త్వంలో ర‌వితేజ క‌థానాయ‌కుడిగా ఓ చిత్రం తెరకెక్కుతోంది. ఇందులో ముగ్గురు క‌థానాయిక‌ల‌కు చోటుంది. న‌భా న‌టేషా, పాయ‌ల్ రాజ్ పుట్‌ల‌ను ఆల్రెడీ క‌థానాయిక‌లుగా ఎంచుకున్నారు. మూడో నాయిక‌గా ప్రియాంక‌కు చోటు ద‌క్కిన‌ట్టు స‌మాచారం. ఇది కాకుండా మ‌రో రెండు చిత్రాల్లో ప్రియ‌కు ఆఫ‌ర్లు వ‌చ్చిన‌ట్టు తెలుస్తోంది. మొత్తానికి టాక్సీవాలా పుణ్య‌మా అని ఈ తెలుగ‌మ్మాయి రెండు మూడు సినిమాల్ని త‌న ఖాతాలో వేసుకోగ‌లుగుతోంది.