పవర్‌ స్టార్‌ పవన్‌ కళ్యాణ్‌ రీమేక్‌ మూవీకి ‘వకీల్ సాబ్’ అని టైటిల్‌ ఫిక్స్‌ చేశారు. ఇందాకే ఫస్ట్‌లుక్‌తో కూడిన టైటిల్‌ని అధికారికంగా రిలీజ్‌ చేసింది చిత్ర యూనిట్‌. ఫ్యాన్స్‌ ఎక్స్‌పెక్టేషన్స్‌కి అందనంత రేంజ్‌లో ఈ లుక్‌ ఉండేసరికి ఫ్యాన్స్‌ ఆనందానికి ఆకాశమే హద్దయ్యింది. ఓ కుర్చీలో కూర్చొని ముందు మరో చెక్క కుర్చీకి కాళ్లు దన్ను పెట్టి చేతిలో బుక్‌ పట్టుకుని పవర్‌ స్టార్‌ కనిపిస్తున్నాడు. సిట్యువేషన్‌ చూస్తుంటే, ఓ ఇంపార్టెంట్‌ కేసు వాదించడానికి టాటా ఏస్‌ వాహనంలో సరంజామా వేసుకుని మన వకీల్ సాబ్ బయుదేరుతున్న సిట్యువేషన్‌లా కనిపిస్తోంది. మొత్తానికి ఫస్ట్‌లుక్‌, టైటిల్‌తో అద్దరగొట్టేశాడు పవర్‌ స్టార్‌.
వేణు శ్రీరామ్‌ దర్శకత్వంలో తెరకెక్కుతోన్న ఈ సినిమాని సమ్మర్‌ స్పెషల్‌గా మే లో రిలీజ్‌ చేసేందుకు సన్నాహాలు చేస్తున్నారు. బాలీవుడ్‌ నిర్మాత బోనీ కపూర్‌తో కలిసి దిల్‌ రాజు ఈ సినిమాని నిర్మిస్తున్నారు. అంజలి, నివేదా థామస్‌ హీరోయిన్లుగా నటిస్తున్నారు. థమన్‌ మ్యూజిక్‌ అందిస్తున్నాడు. అన్ని రకాల కమర్షియల్‌ వాల్యూస్ తో హైలీ టెక్నికల్‌గా ఈ సినిమాని నిర్మిస్తున్నారు. ఫస్ట్‌ స్టిల్‌తోనే పవర్‌ చూపించిన పవర్‌ స్టార్‌, ‘వకీల్ సాబ్’తో ఎలాంటి సంచనాలు సృష్టించబోతున్నాడో చూడాలంటే సమ్మర్‌ వరకూ ఆగాల్సిందే.
