సెప్టెంబ‌రు 2.. ప‌వ‌న్ క‌ల్యాణ్ పుట్టిన రోజు. ఈ సంద‌ర్భంగా `వ‌కీల్ సాబ్‌` టీజ‌ర్ వ‌స్తుంద‌ని ఆశించారు ప‌వ‌న్ అభిమానులు. కానీ... టీజ‌ర్ సిద్ధం కాలేదు. కాక‌పోతే.... `వ‌కీల్ సాబ్ ` నుంచి ఓ స‌ర్‌ప్రైజ్ ఉండ‌బోతోంద‌ని టాక్‌. దాంతో పాటు... మ‌రిన్ని బ‌హుమానాలు ప‌వ‌న్ కోసం సిద్ధ‌మ‌య్యాయ‌ని తెలుస్తోంది.

క్రిష్ ద‌ర్శ‌క‌త్వంలో ప‌వ‌న్ క‌థానాయ‌కుడిగా ఓ చిత్రం తెర‌కెక్క‌బోతున్న సంగ‌తి తెలిసిందే. ఈసినిమాకి సంబంధించిన ఓ ఆస‌క్తిక‌ర‌మైన అప్‌డేట్‌, సెప్టెంబ‌రు 2న రాబోతోంది. అంతేకాదు... హ‌రీష్ శంక‌ర్ ద‌ర్శ‌క‌త్వంలోనూ ప‌వ‌న్ ఓ సినిమా చేయ‌బోతున్నాడు క‌దా. ఆ సినిమా టైటిల్‌ని ప‌వ‌న్ పుట్టిన రోజున ప్ర‌క‌టిస్తార‌ని స‌మాచారం. ఈ సినిమాకి సంబంధించిన స్క్రిప్టు ప‌నుల్ని హ‌రీష్ శంక‌ర్ ఎప్పుడో మొద‌లెట్టేశాడు. టైటిల్ కూడా సిద్ధ‌మే. కాబ‌ట్టి.. ఫ్యాన్స్ కోసం ముందుగా టైటిల్ వ‌దిలేద్దామ‌ని ఫిక్స‌య్యాడ‌ట హ‌రీష్‌. ఈ చిత్రాన్ని మైత్రీ మూవీస్ సంస్థ నిర్మిస్తున్న సంగ‌తి తెలిసిందే. సో.. ఈసారి ప‌వ‌న్ పుట్టిన రోజు, చాలా ప్ర‌త్యేకంగా మార‌బోతోంద‌న్న‌మాట‌. ‌