ఇంద్రగంటి మోహనకృష్ణ సినిమాలు రొటీన్‌కి భిన్నంగా ఉంటాయి. సరదా సరదా సినిమాల్ని తీయడమే కాదు, ఆలోచనాత్మకమైన సినిమాలు తీయడంలోనూ ఆయన దిట్ట. 'జెంటిల్‌మెన్‌' లాంటి విభిన్నమైన సినిమా తీసింది ఆయనే. 'అష్టాచెమ్మా' సినిమాతో కడుపుబ్బా నవ్వించిందీ ఆయనే. 'గోల్కొండ హైస్కూల్‌' అనే సినిమా తీసి, నేటి విద్యా వ్యవస్థపై సునిశితమైన విమర్శలు చేస్తూ, తల్లిదండ్రుల్ని, విద్యార్థుల్ని ఆలోచనలో పడేసిందీ ఆయనే. ఆయన్నుంచి 'అమీ తుమీ' పేరుతో ఓ సినిమా వస్తోందనగానే ఆ సినిమాపై ఆసక్తి నెలకొనడం సహజం. సినిమా టైటిల్‌ చూసి, ఇది సూపర్‌ హిట్‌ అవుతుందని సినీ పరిశ్రమలో ప్రతి ఒక్కరూ అనుకుంటున్నారంటే అది ఆయనపైనా, ఆయన ఎంచుకునే కథ, కథనాలపైనా వారికి ఉన్న నమ్మకమే. అంతేకాదు ఆయన తన సినిమా కోసం ఎంచుకునే ఆర్టిస్ట్స్‌ కూడా అలాగే కథలో విలీనమైపోతారు. అందుకే ఆయన తెరకెక్కించిన సినిమాలు అంత సహజంగా ఉంటాయి. అలాగే సగటు ప్రేక్షకుడికి తొందరగా కనెక్ట్‌ అవుతాయి కూడా. తాజా చిత్రంలో అడవి శేష్‌, శ్రీనివాస్‌ అవసరాల ప్రధాన పాత్రల్లో నటిస్తున్నారు. ఇప్పటికే టైటిల్‌ అదిరిపోయిందంటూ మంచి రెస్పాన్స్‌ వస్తోంది. ప్రీ రిలీజ్‌ రెస్పాన్స్‌ అదిరిపోతోంది. ఇక సినిమా డబుల్‌ అదిరిపోతుందనడం నిస్సందేహమే కదా.