ఇస్మార్ట్ శంక‌ర్‌తో మ‌ళ్లీ త‌న ఫామ్ లోకి వ‌చ్చాడు పూరి జ‌గ‌న్నాథ్‌. ఈ హిట్ పూరికి ఎంతో బూస్ట‌ప్ ఇచ్చింది. అన‌తికాలంలోనే స్టార్ ఇమేజ్ తెచ్చుకున్న విజ‌య్ దేవ‌ర‌కొండ‌తో జ‌ట్టు క‌ట్టే ఛాన్స్ ఇచ్చింది. అంతేకాదు... త్వ‌ర‌లోనే ఓ పాన్ ఇండియా ప్రాజెక్టుని ప‌ట్టాలెక్కించ‌డానికి కూడా రంగం సిద్ధం చేసుకున్నాడు. ఇప్పుడు పూరి చేతికి మ‌రో బంప‌ర్ ఆఫ‌ర్ చిక్కింది. ఇస్మార్ట్ శంకర్ త్వ‌ర‌లోనే బాలీవుడ్ లో రీమేక్ కాబోతోంది. ర‌ణ్‌వీర్ సింగ్ ఈ చిత్రంలో క‌థానాయ‌కుడిగా న‌టించ‌బోతున్నాడు.
ఈ సినిమాని బాలీవుడ్ లో రీమేక్ చేసే ఛాన్స్ పూరికే ద‌క్కిన‌ట్టు తెలుస్తోంది. అందుకు పూరి కూడా ఓకే అన్నాడ‌ట. తెలుగులో సూప‌ర్ హిట్ట‌యిన అర్జున్ రెడ్డి బాలీవుడ్ లో రీమేక్ అయ్యింది. ఇక్క‌డ తీసిన సందీప్ రెడ్డి వంగా రీమేక్ ని తెర‌కెక్కించాడు. తెలుగులోలానే బాలీవుడ్ లోనూ ఆ చిత్రం సూప‌ర్ హిట్ట‌య్యింది. ఇదే ఫార్ములాని `ఇస్మార్ట్ శంకర్` విష‌యంలోనూ అములు చేయ‌బోతున్నారు. పూరి కూడా బాలీవుడ్ రీమేక్‌కి సై అన్న‌ట్టు తెలుస్తోంది. విజ‌య్ దేవ‌ర‌కొండ సినిమా పూర్త‌యిన వెంట‌నే ఈ బాలీవుడ్ రీమేక్ ప‌ట్టాలెక్కే అవ‌కాశం వుంది.
పూరికి బాలీవుడ్ సినిమా కొత్తేంకాదు. అమితాబ్ బ‌చ్చ‌న్ తో ఓ సినిమా తీశాడు. బాలీవుడ్ లో పూరి పేరు ప‌రిచ‌య‌మే. తెలుగులో త‌నని ఫామ్ లోకి తీసుకొచ్చిన ఇస్మార్ట్ శంక‌రే బాలీవుడ్ లోనూ పూరి ఆగ‌మ‌నాన్ని ఘ‌నంగా చాటేందుకు దారి వేసిన‌ట్టైంది.
