పైసా వసూల్ లో బాలకృష్ణ‌ని అభిమానుల‌కు న‌చ్చేలా చూపించాడు పూరి జ‌గన్నాథ్‌. బాల‌య్య‌తో ప‌నిచేయ‌డం కిక్ ఇచ్చింద‌ని పూరి చాలాసార్లు చెప్పాడు. పూరితో ప‌నిచేయ‌డం మ‌జా ఇచ్చింద‌ని బాల‌య్యా అన్నాడు. అందుకే వీరిద్ద‌రి కాంబోలో మ‌రో సినిమా సెట్ట‌యిపోయింది. బాల‌య్య‌తో ఓ సినిమా చేస్తాన‌ని పూరి ఎప్ప‌టి నుంచో చెబుతున్నాడు. ఇప్పుడు అందుకు ముహూర్తం రెడీ అయ్యింది.
ఈ లాక్ డౌన్ స‌మ‌యంలో బాల‌య్య కోసం ఓ క‌థ రెడీ చేశాడు పూరి. ఇటీవ‌ల బాల‌య్య‌కు లైన్ కూడా వినిపించాడ‌ట. దానికి బాల‌య్య ఓకే అన్నాడ‌ని స‌మాచారం. `పైసా వసూల్` ని తెర‌కెక్కించిన భ‌వ్య ఆనంద్ ప్ర‌సాద్ ఈ చిత్రానికి నిర్మాత‌గా వ్య‌వ‌హ‌రిస్తారు. ప్ర‌స్తుతం విజ‌య్ దేవ‌ర‌కొండ‌తో ఓసినిమా చేస్తున్నాడు పూరి. ఆ త‌ర‌వాత.. బాల‌య్య సినిమానే మొద‌ల‌వుతుంద‌న్న టాక్ వినిపిస్తోంది.
