చిన్న సినిమాలకు పూరీ బ్రాండ్‌ అంబాసిడర్‌గా మారారు. కొత్త నటీనటులతో సినిమాలను తెరకెక్కించి సక్సెస్‌ అవుతున్నాడు. ఎంతో మంది కొత్త నటీనటులను తెలుగు తెరకి పరిచయం చేశాడు. 'జ్యోతిలక్ష్మి' సినిమాతో పూరీ ఓ కొత్త సినిమాని తెలుగు ప్రేక్షకులకి పరిచయం చేశాడు. ఛార్మి ప్రధాన పాత్రలో తెరకెక్కిన ఈ సినిమా మొదట్లో మంచి టాక్‌ సంపాదించకపోయినా, తర్వాత జనంలోకి బాగానే వెళ్లింది. అందుకే ఇదే తరహాలో మరో లేడీ ఓరియెంటెడ్‌ మూవీని పూరీ తెరకెక్కించబోతున్నాడట. ఓ ప్రముఖ హీరోయిన్‌ ఈ సినిమాలో నటించబోతోందట. అయితే ప్రస్తుతానికి ఈ సినిమాపై అఫీషియల్‌ క్లారిటీ రాలేదు కానీ, పూరీ ఈ సినిమా కోసం గ్రౌండ్‌ వర్క్‌ ప్రిపేర్‌ చేస్తున్నాడని సమాచారమ్‌. అయితే పూరీ ప్రస్తుతం బాలకృష్ణ సినిమాతో బిజీగా ఉన్నాడు. ఈ సినిమాని త్వరలోనే పూర్తి చేయాల్సి ఉంది. సో ఈ కొత్త ప్రాజెక్టును పూరీ తెరకెక్కిస్తాడా? లేక తాను నిర్మాతగా ఉండి ఈ సినిమా డైరెక్షన్‌ బాధ్యతని ఎవరికైనా అప్పగిస్తాడా? అని కూడా టాక్‌ వినిపిస్తోంది. అయితే ఈ సినిమా కోసం కథ మాత్రం పూరీదే అని తెలియ వస్తోంది. ఇటీవలే 'రోగ్‌' సినిమాని ప్రేక్షకుల ముందుకు తీసుకొచ్చాడు పూరీ. కొత్త నటుడు ఇషాన్‌ ఈ సినిమాతో పరిచయం అయ్యాడు. మనారా చోప్రా, ఏంజెలా ఈ సినిమాలో హీరోయిన్లుగా నటించారు. రొమాంటిక్‌ అండ్‌ యాక్షన్‌ లవ్‌ స్టోరీగా ఈ సినిమా ి మంచి రెస్పాన్స్‌తో దూసుకెళ్తోంది.
