ఈ డిసెంబ‌రు అంతా పెద్ద సినిమాల జాత‌రే. అఖండ‌, పుష్ప‌, శ్యామ్ సింగ‌రాయ్‌.. ఈనెల‌లోనే రాబోతున్నాయి. అయితే అంద‌రి క‌ళ్లూ... పుష్ప‌పైనే. అల్లు అర్జున్ న‌టిస్తున్న తొలి పాన్ ఇండియా సినిమా ఇది. సుకుమార్ తో హ్యాట్రిక్ సినిమా కావ‌డంతో అంచ‌నాలు భారీగా ఉన్నాయి. డిసెంబ‌రు 17న దేశ వ్యాప్తంగా ఈ చిత్రాన్ని వివిధ భాష‌ల్లో విడుద‌ల చేస్తున్నారు. ఇప్పుడు ట్రైల‌ర్ రిలీజ్ డేట్ ఫిక్స‌య్యింది. డిసెంబ‌రు 6న ట్రైల‌ర్‌ని ఆవిష్క‌రించ‌బోతున్నారు.

డిసెంబ‌రు 17న ఈ సినిమా వ‌స్తుందా? రాదా? అంటూ కొన్ని అనుమానాలు ఉండేవి. ఈ సినిమాకి సంబంధించిన వ‌ర్క్ ఇంకా పూర్తి కాలేద‌ని, అందుకే డిసెంబ‌రు 17న రావ‌డం క‌ష్ట‌మ‌ని వార్త‌లొచ్చాయి. కానీ... పుష్ఫ ట్రైల‌ర్ వ‌చ్చేస్తోంది కాబ‌ట్టి, సినిమా విష‌యంలోనూ ఎలాంటి డౌట్లూ పెట్టుకోవాల్సిన ప‌నిలేదు. డిసెంబ‌రు 17నే రావ‌డం ఖాయం. అయితే.. ఈలోగా ఓ ఐటెమ్ పాట పూర్తి చేయాల్సివుంది. ఈ సినిమాలో స‌మంత పై ఓ ప్ర‌త్యేక గీతం తెర‌కెక్కించ‌బోతున్న సంగ‌తి తెలిసిందే. ఈ రోజు నుంచి హైద‌రాబాద్ లో ఈ పాట‌ని చిత్రీక‌రించ‌బోతున్నారు. ఈ పాట అయితే.. షూటింగ్ మొత్తం అయిపోయిన‌ట్టే.