ముద్దుగుమ్మ రాశీఖన్నా ఇప్పుడు టాలీవుడ్‌లో బిజీగా గడుపుతోంది. వరుణ్‌తేజ్‌తో 'తొలిప్రేమ' సినిమాతో త్వరలోనే ప్రేక్షకుల ముందుకు రానుందీ బొద్దుగుమ్మ. ఫిబ్రవరి 9న ఈ సినిమా విడుదల కానుంది. మరో పక్క రవితేజతో 'టచ్‌ చేసి చూడు' చిత్రంలోనూ నటిస్తోందీ ముద్దుగుమ్మ. 'జై లవకుశ'తో గతేడాది మంచి విజయం అందుకుంది. తెలుగులో బిజీగా ఉంటూనే, తమిళంలోనూ వరుస అవకాశాలు దక్కించుకుంటోంది. ఇప్పటికే తమిళంలో రెండు సినిమాల్లో నటిస్తోంది. సినిమాల సంగతి ఇలా ఉంటే, సోషల్‌ మీడియాలోనూ అమ్మడు యాక్టివ్‌గానే ఉంటుంది. అప్పుడప్పుడూ ఇన్నోవేటివ్‌గా ఫోటో షూట్స్‌ చేయించుకుని, సోషల్‌ మీడియాలో పోస్ట్‌ చేస్తుంటుంది. తాజాగా ఈ బ్యూటీ పోస్ట్‌ చేసిన ఈ ఫోటో చూశారా? చూడగానే లవ్‌లో పడిపోయేలా ఉందనాల్సిందే కదా. కెమెరా జిమ్మిక్కు, అమ్మడి గ్లామర్‌ తళుక్కుతో పిక్‌ సింప్లీ సూపర్బ్‌గా ఉంది. కాస్ట్యూమ్‌ వెరీ వెరీ డిఫరెంట్‌గా ఉంది. జూలుతో కప్పి ఉన్నట్లుగా ఉన్న ఆమె కాస్ట్యూమ్‌.. అలాగే రాశీ ఇచ్చిన ఎక్స్‌ప్రెషన్‌ ఈ ఫోటోకి అదనపు వన్నె తెచ్చిపెడుతున్నాయనడంలో ఏమాత్రం సందేహం లేదు.