ముద్దుగుమ్మ రాశీఖన్నా ఇటీవలే 'జై లవకుశ' సినిమాతో ప్రేక్షకుల ముందుకొచ్చింది. ఇంతవరకూ యంగ్‌ హీరోస్‌తో ఆన్‌ స్క్రీన్‌ రొమాన్స్‌ చేసిన ఈ బ్యూటీకి స్టార్‌ హీరో ఎన్టీఆర్‌తో నటించే అవకాశం వచ్చింది ఈ సినిమాతో. ఈ సినిమా విజయంతో అమ్మడి స్టార్‌ మారిపోయిందంతే. తాజాగా మెగా ప్రిన్స్‌ వరుణ్‌ తేజ్‌తో రాశీఖన్నా ఓ సినిమాలో నటిస్తోంది. వెంకీ అట్లూరి దర్శకత్వంలో ఈ సినిమా తెరకెక్కుతోంది. ప్రస్తుతం బిజీగా షూటింగ్‌ జరుపుకుంటోన్న ఈ సినిమాకి సంబంధించి ఓ ఫోటో నెట్‌లో హాల్‌చల్‌ చేస్తోంది. షూటింగ్‌ విదేశాల్లో జరుగుతోంది. షూటింగ్‌ స్పార్ట్‌లో వరుణ్‌ ఫోన్‌లో ఏదో చేస్తోంటే, వరుణ్‌కి తెలియకండా, ముద్దుగుమ్మ రాశీఖన్నా ఓ సెల్ఫీ క్లిక్‌మనిపించింది. అంతటితో ఆగలేదు ఈ భామ, ఈ సెల్ఫీని సోషల్‌ మీడియాలో పోస్ట్‌ చేసి నా వెనుక ఉన్నది ఎవరో చెప్పుకోండి చూద్దాం? అంటూ పజిల్‌ విసిరింది ఫ్యాన్స్‌కి. నెటిజన్లు ఈ సెల్ఫీని చూసి బోలెడన్ని ఫన్నీ కామెంట్స్‌ పంపించారు. ఇటీవలే వరుణ్‌ నటించిన 'ఫిదా' మూవీ సూపర్‌ సక్సెస్‌ సాధించిన సంగతి తెలిసిందే. ఆ సినిమాలో భానుమతిగా సాయి పల్లవి, వరుణ్‌ క్యారెక్టర్‌లో వరుణ్‌ తేజ్‌ నటించారనడం కన్నా జీవించారంటే బావుంటుంది. లవ్‌లీ పెయిర్‌గా ఈ ఇద్దరి జంట అంతగా ఆకట్టుకుంది మరి. దాంతో అది దృష్టిలో పెట్టుకుని నెటిజన్లు 'వరుణ్‌ ఇంకా భానుమతిని మర్చిపోలేకపోతున్నాడు కాబోలు..' అంటూ స్వీట్‌ స్వీట్‌ పోస్ట్‌లు చేశారు. రాశీఖన్నా అల్లరి పిల్లే. మరీ ఇంత అల్లరి పిల్ల అనుకోలేదు సుమీ!