పాత రికార్డులు బ్రేక్ చేయ‌డం, కొత్త‌రికార్డులు సృష్టించ‌డం ప్ర‌భాస్‌కి అల‌వాటైపోయాయి. బాహుబ‌లితో ఇంటర్నేష‌న్ స్టార్ అయిపోయిన ప్ర‌భాస్ - సోష‌ల్ మీడియాలో ఎప్ప‌టిక‌ప్పుడు ట్రెండింగ్ లో ఉంటూ వ‌స్తున్నాడు. ప్ర‌భాస్‌కి సంబంధించిన ఏ చిన్న విష‌య‌మైనా బాగా వైర‌ల్ అయిపోతోంది. త‌న సినిమాకి సంబంధించిన ఫ‌స్ట్ లుక్ వ‌స్తే మామూలుగా ఉంటుందా? ఇండ్ర‌స్ట్రీ షేక్ అయిపోతుంది.
రాధేశ్యామ్ విష‌యంలో అదే జ‌రిగింది. ఎంతో కాలం నుంచి ఎదురు చూస్తున్న ఫ‌స్ట్ లుక్ బ‌య‌ట‌కు రావ‌డంతో అభిమానులు పండ‌గ చేసుకున్నారు. ట్విటర్‌లో నిన్న టాప్‌ ట్రెండింగ్‌లో చోటుదక్కించుకోవడమే కాకుండా తక్కువ సమయంలో సింగిల్‌ హాష్‌ట్యాగ్‌తో 3.8 మిలియన్లకు పైగా ట్వీట్లు సాధించి రికార్డు సృష్టించింది. దాంతో పాటుగా ‘బాహుబ‌లి: ది బిగినింగ్’ సినిమా విడుదలై శుక్రవారానికి ఐదేళ్లు పూర్త‌య్యాయి. దాంతో బాహుబ‌లి జ్ఞాప‌కాల్లోకి వెళ్లిపోయారు అభిమానులు. అలా శుక్ర‌వారం అంతా ప్ర‌భాస్ పేరు, ఫొటోలూ, టైటిల్‌, బాహుబ‌లి విష‌యాలూ ట్రెండింగ్‌లో నిలిచాయి.
