యూవీ క్రియేష‌న్స్ నుంచి ఓ అప్ డేట్ రావ‌డ‌మే గ‌గ‌నం. వ‌చ్చిందా.. ఇక పండ‌గే. ప్ర‌భాస్ పాన్ ఇండియా సినిమా.. రాధే శ్యామ్ ని యూవీ క్రియేష‌న్స్‌నే రూపొందిస్తున్న సంగ‌తి తెలిసిందే. ఈ సినిమా అప్‌డేట్ల విష‌యంలో యూవీ మ‌రీ పిసినారిత‌నం ప్ర‌ద‌ర్శిస్తుంటుంది. అందుకే యూవీ అంటే.. ప్ర‌భాస్ ఫ్యాన్స్ గోల చేసేస్తుంటారు. తాజాగా.. యూవీ నుంచి రాధే శ్యామ్ కి సంబ‌ధించిన అప్‌డేట్ ఒక‌టి వ‌చ్చింది. ఈ సినిమా నుంచి 'ఈ రాతలే' అనే ఫస్ట్ లిరికల్ వీడియో సాంగ్‌ను నవంబర్ 15 సాయంత్రం 5 గంటలకు విడుదల చేయనున్నట్లు మేకర్స్ అధికారికంగా ప్రకటించారు. ఈ సినిమాకి రాధా కృష్ణ కుమార్ దర్శకత్వం వహిస్తున్నారు.
తెలుగుతో పాటు ఇతర భాషలలో జస్టిన్ ప్రభాకరన్ సంగీతం అందిస్తుండగా, హందీ వెర్షన్‌కు మాత్రం మనన్ భరద్వాజ్ సంగీతం అందిస్తున్నారు. ఇక నుంచి.. ఈ సినిమాని సంబంధించిన ఏదో ఓ అప్ డేట్ బ‌య‌టకు వ‌ద‌లాల‌ని చిత్ర‌బృందం భావిస్తోంది. సంక్రాంతి కానుక‌గా.. జ‌న‌వ‌రి 14న ఈ చిత్రాన్ని విడుదల చేయ‌నున్నారు. విడుద‌ల‌కు చాలా స‌మ‌యం ఉంది. కాక‌పోతే.. ఇది పాన్ ఇండియా సినిమా. అర కొర ప్ర‌మోష‌న్లు చేస్తే సినిమాకే న‌ష్టం. మ‌రోవైపు పుష్ష, ఆర్.ఆర్.ఆర్ సినిమాలు ప్ర‌మోష‌న్ల‌తో హోరెత్తిస్తున్నాయి. వాటి మ‌ధ్య రాధే శ్యామ్ క‌నిపించాలంటే ఏదో రూపంలో హ‌డావుడి చేయాల్సిందే.
