తనకున్న మల్టీ టాలెంట్స్ తో మనల్ని అలరిస్తున్న రఘు కుంచె కొత్త అవతారంలో కనిపించబోతున్నాడు.

విశ్వసనీయ వర్గాల నుండి అందుతున్న సమాచారం ప్రకారం, రఘు కుంచె ప్రొడ్యూసర్ గా మారనున్నాడు. జ్యోతిలక్ష్మి, ఘాజీ చిత్రాలతో మంచి గుర్తింపు తెచ్చుకున్న యంగ్ హీరో సత్యదేవ్, పూజా జవేరి జంటగా రాబోతున్న చిత్రానికి ఈయన నిర్మాతగా వ్యవహరించనున్నాడట.

ఈ చిత్రానికి డైనమిక్ డైరెక్టర్ పూరి జగన్నాథ్ వద్ద దర్శకత్వ శాఖలో పనిచేసిన ప్రదీప్ దీనికి దర్శకత్వం వహించనున్నాడు. ప్రస్తుతానికి ఈ చిత్ర షూటింగ్ వైజాగ్ లో జరుగుతుంది, ఇది ఒక థ్రిల్లర్ సబ్జెక్టు అని ఇన్ సైడ్ వర్గాల సమాచారం.

సింగర్ గా, మ్యూజిక్ డైరెక్టర్ గా, హోస్ట్ గా పేరు ప్రఖ్యాతలు సంపాదించుకున్న రఘు ప్రొడ్యూసర్ గా కూడా విజయం సాధించాలని కోరుకుందాం.