రాహుల్ ర‌వీంద్ర‌న్‌.... అందాల రాక్ష‌సితో కాస్త ఫేమ్ తెచ్చుకున్నాడు. ఆ త‌ర‌వాత ఒక‌ట్రెండు సినిమాలు గుర్తింపు తెచ్చాయి. స‌డ‌న్ గా చిల‌సౌతో ద‌ర్శ‌కుడిగా మారాడు. ఆ సినిమా హిట్ట‌య్యింది. దాంతో ఏకంగా నాగార్జున‌తో సినిమా చేసే ఛాన్స్ వ‌చ్చింది. నాగ్ సూప‌ర్ హిట్ సినిమా మ‌న్మ‌థుడు కి సీక్వెల్ అంటూ.. మ‌న్మ‌థుడు 2 మొద‌లెట్టారు. ఆ సినిమాపై అప్ప‌ట్లో ఎన్ని అంచ‌నాలో. కానీ వాట‌న్నింటినీ త‌ల‌కిందులు చేస్తూ... మ‌న్మ‌థుడు 2 అట్ట‌ర్ ఫ్లాప్ అయ్యింది. ఆ త‌ర‌వాత రాహుల్ కంటికి క‌నిపించ‌కుండా పోయాడు.

అయితే ఇప్పుడు రాహుల్ కి అనూహ్యంగా గీతా ఆర్ట్స్ లో ఛాన్స్ వ‌చ్చింది. రాహుల్ చెప్పిన క‌థ గీతా ఆర్ట్స్ కి న‌చ్చ‌డంతో సినిమా ఓకే అయిపోయింది. ఇదో లేడీ ఓరియెంటెడ్ సినిమా. అందుకే క‌థానాయిక‌గా స్టార్ హీరోయిన్ కావాలి. అందుకోసం ర‌ష్మిక‌ని సంప్ర‌దించారు. విష‌యం ఏమిటంటే ఇంత బిజీలోనూ ర‌ష్మిక ఈ ప్రాజెక్టుకి ఓకే చెప్ప‌డం. అంత‌గా త‌న‌కు ఈ క‌థ క‌నెక్ట్ అయ్యింద‌ట‌. గీతా గోవిందం త‌ర‌వాత ర‌ష్మిక గీతా ఆర్ట్స్ లో మ‌రో సినిమా చేయ‌డానికి ఎగ్రిమెంట్ కుదుర్చుకుంది. ఇన్నాళ్ల‌కు ఆ ఎగ్రిమెంట్ ప‌నికొచ్చింద‌న్న‌మాట