ఈమ‌ధ్య మ‌న హీరోల‌కు ప్ర‌భుత్వ ఉద్యోగులుగా క‌నిపించాల‌న్న త‌ప‌న ఎక్కువైన‌ట్టు క‌నిపిస్తోంది. ట‌క్ జ‌గ‌దీష్‌లో నాని ఎం.ఆర్‌.ఓగా న‌టించాడు. `రామారావు`లో ర‌వితేజ కూడా ఎం.ఆర్‌.ఓనే. ఇప్పుడు.. నితిన్ ఏకంగా క‌లెక్ట‌ర్ అయిపోతున్నాడు. అవును.. రాబోయే సినిమాలో నితిన్ క‌లెక్ట‌ర్ గా క‌నిపించ‌బోతున్న‌ట్టు స‌మాచారం. ఎడిట‌ర్ శేఖ‌ర్ ఇప్పుడు మెగా ఫోన్ ప‌ట్టారు. ఆయ‌న ద‌ర్శ‌క‌త్వంలో నితిన్ ఓ సినిమా చేయ‌బోతున్న సంగ‌తి తెలిసిందే. ఇందులో నితిన్ ఐఏఎస్ చ‌దివి క‌లెక్ట‌ర్ గా ఓ జిల్లాకి వ‌స్తాడ‌ట. ఆ జిల్లాలో స‌మ‌స్య‌ల్ని నితిన్ ఎలా ప‌రిష్క‌రించాడు అన్న‌దే క‌థ. ఇందులో ఓ చ‌క్క‌టి ల‌వ్ స్టోరీ సైతం మిక్స్ చేశారని తెలుస్తోంది.
`మాచ‌ర్ల నియోజ‌క వ‌ర్గం` అనే టైటిల్ ని ఈ సినిమా కోసం ప‌రిశీలిస్తున్నారు. టైటిల్ చూస్తుంటే ఇదో పొలిటిక‌ల్ డ్రామాలానే క‌నిపిస్తోంది. మ‌రి ఇందులో ఇంకెన్ని విష‌యాలు ఉంటాయో తెలియాలంటే ఇంకొన్ని రోజులు ఆగాలి. నితిన్ క‌థానాయ‌కుడిగా న‌టించిన `మాస్ట్రో` వ‌చ్చే వారం హాట్ స్టార్ లో విడుద‌ల కాబోతున్న సంగ‌తి తెలిసిందే.
