రాజశేఖర్‌ హీరోగా తెరకెక్కిన 'పీఎస్‌వీ గరుడవేగ' చిత్రం ఈ రోజే ప్రేక్షకుల ముందుకు వచ్చింది. సినిమా బాగుందంటూ టాక్‌ వినిపిస్తోంది. రిపోర్ట్స్‌ పోజిటివ్‌గా వస్తున్నాయి. చాలా కాలం తర్వాత రాజశేఖర్‌ ఓ మంచి సినిమా చేశాడంటూ ఆయన అభిమానులు హ్యాపీ ఫీలవుతున్నారు. సినిమాపై అంచనాలకు తగ్గట్లుగానే అభిమానుల్ని సంతృప్తి పరిచింది. అనుకున్నట్లుగా బాలీవుడ్‌ ఐటెం బాంబ్‌ సన్నీలియోన్‌ స్పెషల్‌ సాంగ్‌ ధియేటర్‌లో ఊపు ఊపేసింది. మాస్‌ బీట్స్‌. బీట్స్‌కి తగ్గట్టుగా సన్నీ స్టెప్పులు, ఎక్స్‌ప్రెషన్స్‌, కాస్ట్యూమ్స్‌ ఒక్కటేమిటి ఓ రేంజ్‌లో ఈ సాంగ్‌ ఎట్రాక్ట్‌ చేసింది. పూజా కుమార్‌ హీరోయిన్‌గా నటించింది. ఎన్‌ఐఏ ఆఫీసర్‌కి భార్య పాత్రలో పూజా కుమార్‌ నటన ఆకట్టుకునేలా ఉంది. ఇకపోతే యాక్షన్‌ హీరో రాజశేఖర్‌ గురించి ఎంత మాట్లాడుకున్నా తక్కువే అనిపిస్తోంది. ఈ సినిమాతో రాజశేఖర్‌ మళ్లీ తెలుగు ఆడియన్స్‌కి దగ్గరవుతాడన్న విషయం పక్కా. పర్‌ఫామెన్స్‌ పరంగా రాజశేఖర్‌ అదరగొట్టేశాడు. ఎన్‌ఐఏ అధికారి పాత్రలో పర్‌ఫెక్ట్‌గా సూటయ్యాడు. ఎన్నో పోలీసాఫీసర్‌ పాత్రలు చేసిన అనుభవం రాజశేఖర్‌కి బాగా కలిసొచ్చింది. యాక్షన్‌ సీక్వెన్సెస్‌లో రాజశేఖర్‌ ఇరగదీసేశాడు. హాలీవుడ్‌ రేంజ్‌లో యాక్షన్‌ ఘట్టాలను కంపోజ్‌ చేశారు. స్క్రీన్‌పై రాజశేఖర్‌ ఫైట్లు ఇరగదీస్తుంటే, మాస్‌ ఆడియన్స్‌ ఈలలతో ధియేటర్‌ మార్మోగిపోయింది. ప్రవీణ్‌ సత్తారు ఈ సినిమాని తెరకెక్కించారు. డైరెక్టర్‌గా మరోసారి తానేంటో ప్రూవ్‌ చేసుకున్నాడు ప్రవీణ్‌ సత్తారు ఈ సినిమాతో.