'ఎస్సెమ్మెస్‌' చిత్రంతో తెలుగు ప్రేక్షకులకు పరిచయం అయ్యింది ముద్దుగుమ్మ రెజీనా. పర్‌ఫామెన్స్‌ పరంగా భళా అనిపించుకుంది. గ్లామర్‌ విషయంలోనూ అమ్మడికి హద్దుల్లేవు. సో సక్సెస్‌, ఫెయిల్యూర్స్‌తో సంబంధం లేకుండా వరుస అవకాశాలతో దూస్కెళ్లిపోతోంది ఈ ముద్దుగుమ్మ. ప్రస్తుతం తెలుగుతో పాటు తమిళంలోనూ చాలా సినిమాల్లో నటిస్తోంది రెజీనా. ఈ నెల 24న నారా రోహిత్‌ హీరోగా తెరకెక్కుతోన్న 'బాలకృష్ణుడు' సినిమాతో ప్రేక్షకుల ముందుకు రానుంది. కాగా దగ్గుబాటి రానాతో '1945' సినిమాలో చేస్తోంది. ఈ సినిమాలో రెజీనా పాత్ర చాలా కొత్తగా ఉండబోతోందట. గ్లామర్‌కి కొంచెం దూరంగా, పర్‌ఫామెన్స్‌కి దగ్గరగా ఉన్న పాత్రట. స్వాతంత్య్రానకి ముందు ఏం జరిగింది? అనే అంశంపై తెరకెక్కుతోన్న చిత్రమిది. ఈ రెండూ కాక తమిళంలో ఎస్‌.జె.సూర్యతో ఓ సినిమాలో నటిస్తోంది. సెల్వ రాఘవన్‌ దర్శకత్వంలో తెరకెక్కుతోంది ఈ చిత్రం. యంగ్‌ హీరో గౌతమ్‌ కార్తీక్‌తో మరో సినిమాలోనూ నటిస్తోంది. బాలీవుడ్‌లో బిగ్‌బీ అమితాబ్‌ నటిస్తున్న సినిమాలో రెజీనా నటిస్తోంది. అదే 'ఆంఖేన్‌ - 2'. అయితే ఆ సినిమా ఎంతవరకూ వచ్చిందో సమాచారమ్‌ లేదు కానీ, తమిళ, తెలుగు భాషల్లో మాత్రం రెజీనా దూకుడు మామూలుగా లేదు. తమిళంలో ఓ సినిమా కోసం రెజీనా దెయ్యం పాత్రలో కనిపించనుందనీ తెలియవస్తోంది. సినిమా అంటే ప్యాషన్‌ రెజీనాకి. సినిమా కోసం ఎంతటి కష్టమైనా పడుతానంటోంది. ఈ ముద్దుగుమ్మకి డ్రీమ్‌ రోల్స్‌ చాలానే ఉన్నాయట. అయితే ఇప్పుడప్పుడే అవేంటో చెప్పనంటోంది. ప్రస్తుతం గ్లామర్‌ తారగా గుర్తింపు తెచ్చుకుంటూనే, ఉన్నంతలో పర్‌ఫామెన్స్‌ క్యారెక్టర్స్‌ చేసుకుంటూ కెరీర్‌ స్పీడుగానే నడుస్తోంది కదా అంటోంది ముద్దుగుమ్మ రెజీనా.