టాలీవుడ్‌లో అతి తక్కువ టైంలోనే స్టార్‌ హీరోయిన్‌ ఇమేజ్‌ని సొంతం చేసుకున్న ముద్దుగుమ్మ రకుల్‌ ప్రీత్‌సింగ్‌. కానీ ఇప్పుడు తమిళ, హిందీ భాషల్లో అవకాశాల్ని వెతుక్కుంటోంది రకుల్‌ ప్రీత్‌సింగ్‌. దాంతో తెలుగు సినీ పరిశ్రమ నుండి రకుల్‌ ప్రీత్‌ సింగ్‌ తమిళ సినీ పరిశ్రమ వైపు మకాం మార్చేసిందనుకుంటున్నారంతా. కానీ అదేం కాదనీ, ఇతర భాషా సినిమాల్లో అవకాశాలు వస్తున్న కారణంగా తెలుగు సినిమాల నుండి కొంచెం గ్యాప్‌ తీసుకున్నానంటోంది రకుల్‌. అంతేకానీ తెలుగు సినిమాలను వదిలేయలేదంటోంది. 

అయినా కానీ హీరోయిన్‌గా ఇంతటి స్టార్‌డమ్‌ తెచ్చి పెట్టిన తెలుగు సినిమాలను ఎట్టి పరిస్థితుల్లోనూ వదిలే ప్రశక్తే లేదంటోంది ముద్దుగుమ్మ రకుల్‌ ప్రీత్‌ సింగ్‌. అంతేకాదు హైద్రాబాద్‌ని కూడా విడిచిపెట్టి పోనంటోంది రకుల్‌. ప్రస్తుతం ఆమె హిందీలో 'అయ్యారీ' సినిమాలో నటిస్తోంది. ఈ సినిమా జనవరి 26న ప్రేక్షకుల ముందుకు రానుంది. సిద్దార్ద్‌ మల్హోత్రా ఈ సినిమాలో రకుల్‌తో జోడీ కడుతున్నాడు. నీరజ్‌ పాండే దర్శకత్వంలో ఈ సినిమా తెరకెక్కింది. అలాగే తమిళంలో రెండు సినిమాల్లో నటిస్తోంది. 

సూర్య హీరోగా రకుల్‌ నటిస్తున్న చిత్రం ఈ మధ్యనే లాంఛనంగా ప్రారంభమైంది. ఈ చిత్రంలో రకుల్‌తో పాటు ముద్దుగుమ్మ కీర్తి సురేష్‌ మరో హీరోయిన్‌గా నటిస్తోంది. ఇక తెలుగులో రకుల్‌ టేకప్‌ చేయబోయే కొత్త ప్రాజెక్ట్స్‌ గురించి త్వరలోనే అభిమానులకు చెబుతానంటోంది. ప్రస్తుతం హిందీ సినిమా 'అయ్యారీ' ప్రమోషన్స్‌లో బిజీగా ఉన్న రకుల్‌ప్రీత్‌ సింగ్‌ త్వరలోనే తెలుగులో సందడి చేయనుందట. తెలుగులో కొన్ని క్రేజీ ప్రాజెక్టులు చర్చల దశలో ఉన్నాయట. వాటి వివరాలు అతి త్వరలోనే రకుల్‌ ప్రకటిస్తానని చెబుతోంది.