తెలుగులోనే కాదు, తమిళంలోనూ అందాల భామ రకుల్‌ ప్రీత్‌ సింగ్‌ సూపర్‌ ఛాన్సులు కొట్టేస్తోంది. కార్తీ సరసన ఓ సినిమాలో ఇప్పటికే నటిస్తున్న రకుల్‌ ప్రీత్‌ సింగ్‌, కార్తీ అన్నయ్య సూర్య హీరోగా నటించే సినిమాలో హీరోయిన్‌గా ఎంపికయ్యిందని సమాచారమ్‌. సెల్వరాఘవన్‌ ఈ చిత్రానికి దర్శకత్వం వహించనున్నాడు. డ్రీమ్‌ వారియర్‌ పిక్చర్స్‌ ఈ సినిమాని నిర్మిస్తోంది. జనవరిలో సినిమా షూటింగ్‌ ప్రారంభమవుతుందని చిత్ర నిర్మాత ఇప్పటికే ప్రకటించారు. అలాగే సినిమా రిలీజ్‌ డేట్‌ని కూడా ముందే అనౌన్స్‌ చేసేశారు. ఈ సినిమాలో ఇద్దరు హీరోయిన్లు ఉంటారని తెలియవస్తోంది. ఓ హీరోయిన్‌గా రకుల్‌ ప్రీత్‌ సింగ్‌ ఎంపిక దాదాపు ఖరారయ్యిందని కోలీవుడ్‌లో గాసిప్స్‌ వినవస్తున్నాయ్‌. రకుల్‌ ప్రీత్‌ సింగ్‌ తెలుగులోకి రాకముందే కన్నడలో ఓ సినిమాలో నటించింది. తమిళంలో కూడా కొన్ని సినిమాలు చేసిన తర్వాత 'వెంకటాద్రి ఎక్స్‌ప్రెస్‌' అనే తెలుగు సినిమాతోనే ఆమెకు పాపులారిటీ వచ్చింది. ఆ సినిమా ఇచ్చిన సక్సెస్‌తో రకుల్‌ ప్రీత్‌ సింగ్‌ వెనుతిరిగి చూడలేదు. తెలుగులో అగ్రహీరోయిన్లలో రకుల్‌ ప్రీత్‌ సింగ్‌ ముందు వరుసలో నిల్చుంటుంది. ఈ ఏడాది ఇప్పటికే పలు సినిమాలతో తెలుగు ప్రేక్షకుల్ని పలకరించిన రకుల్‌ ప్రీత్‌ సింగ్‌ ఇకపై వరుసగా తమిళ సినిమాలతో తమిళంలోనూ, ఆ సినిమాల డబ్బింగ్‌ వెర్షన్స్‌తో తెలుగులోనూ సందడి చేయనుంది. తమిళ సినిమాలే కాకుండా తెలుగులోనూ రకుల్‌ చాలా బిజీగా ఉందిప్పుడు. ఇవి కాకుండా రకుల్‌కి హిందీ సినిమాల్లోంచీ ఆఫర్లు వస్తున్నాయి. గతంలో కొన్ని హిందీ సినిమాల్లో నటించిన రకుల్‌ సౌత్‌లో బిజీగా ఉండడం వల్ల చాలా బాలీవుడ్‌ ఆఫర్స్‌ని వదిలేసుకోవాల్సి వస్తోందట.