మురుగదాస్‌ డైరెక్షన్‌లో తెరకెక్కుతోన్న చిత్రం 'స్పైడర్‌'. ఈ సినిమాలో రకుల్‌ ప్రీత్‌సింగ్‌ హీరోయిన్‌గా నటిస్తోన్న సంగతి తెలిసిందే. ఈ సినిమా దసరా కానుకగా సెప్టెంబర్‌ 27న ప్రేక్షకుల ముందుకు రానుంది. చిత్రం తాజాగా షూటింగ్‌ పూర్తి చేసుకుంది. నిర్మాణానంతర కార్యక్రమాలకు రెడీ అవుతోంది. ఈ సందర్భంగా రకుల్‌ ప్రీత్‌ సింగ్‌ డైరెక్టర్‌ మురుగదాస్‌తో కలిసి సెల్ఫీ దిగి, ఆ ఫోటోని సోషల్‌ మీడియాలో పోస్ట్‌ చేసింది. తాను పని చేసిన డైరెక్టర్స్‌ అందరిలోనూ, మురుగదాస్‌ వెరీ వెరీ టాలెంటెడ్‌ అని చెబుతోంది రకుల్‌. ఆయన నుండి చాలా నేర్చుకున్నానని అంటోంది. ఈ సినిమాలో నటించడం తన అదృష్టం అనీ రకుల్‌ చెబుతోంది. అంతేకాదు తనకెంతో ఇష్టమైన మహేష్‌బాబుతో రకుల్‌ ప్రీత్‌సింగ్‌ తొలిసారిగా జత డుతోన్న సినిమా ఇది. మహేష్‌బాబు తనకెంతో హెల్ప్‌ఫుల్‌గా ఉండేవారనీ, ప్రతీ సీన్‌నీ ఎంతగానో అర్ధం చేసుకుని నటించేవారనీ రకుల్‌ మహేష్‌ని ప్రశంసలతో ముంచేస్తోంది. అలాగే తెలుగుతో పాటు, తమిళంలోనూ ఈ సినిమా రిలీజ్‌ అవుతోంది. తెలుగులో స్టార్‌ హీరోయిన్‌ అనిపించుకున్న తనకు 'స్పైడర్‌'తో తమిళంలోనూ మంచి గుర్తింపు దక్కుతుందని నమ్మకం వ్యక్తం చేస్తోంది. సినిమా ఔట్‌ పుట్‌ చాలా బాగా వచ్చిందట. మహేష్‌ అభిమానులు మెచ్చుకోదగ్గ సినిమా అవుతుందని ఖచ్చితంగా భరోసా ఇస్తోంది ముద్దుగుమ్మ రకుల్‌ ప్రీత్‌సింగ్‌.