టాలీవుడ్‌లో నెంబర్‌ వన్‌ హీరోయిన్‌గా చెలామణీ అవుతోంది ముద్దుగుమ్మ రకుల్‌ ప్రీత్‌ సింగ్‌. గ్లామర్‌తో పాటు ప్రాధాన్యం ఉన్న పాత్రలు కూడా రకుల్‌కి దక్కుతున్నాయి. అందుకే కొందరు డైరెక్టర్లు హీరోయిన్‌ ప్రాధాన్యత ఉన్న స్టోరీలతో రకుల్‌ చెంతకు వెళ్తున్నారట. రకుల్‌కి ఓ అలవాటు ఉంది. ఆమెకు స్టోరీలు వినడం అంటే చాలా ఇష్టం అని గతంలో ఓ ఇంటర్వ్యూలో చెప్పింది. అలా విన్న స్టోరీల్లో ఏ స్టోరీ తనకు నచ్చినా, హీరో ఎవరు, డైరెక్టర్‌ ఎవరు అనేది కూడా ఆలోచించదట ముద్దుగుమ్మ రకుల్‌ ప్రీత్‌ సింగ్‌. అందుకే అమ్మడు ఖాళీ లేకుండా సినిమాలు చేసేస్తూ ఉంటుందట. అయితే తాజాగా రకుల్‌ విన్న స్టోరీల్లో ఓ హీరోయిన్‌ ఓరియెంటెడ్‌ మూవీ ఉందట. ప్రస్తుతం హీరోయిన్‌ ఓరియెంటెడ్‌ సినిమాలకు బాగా క్రేజ ఉంది. ఓ మోస్తరు ఇమేజ్‌ ఉన్న హీరోయిన్లు కూడా ఈ తరహా సినిమాలకు సై అంటున్నారు. అలాంటిది రకుల్‌ తన ఇమేజ్‌తో ఇలాంటి సినిమాల్లో నటిస్తే ఆ సినిమా నిర్మాతలకు కాసుల పంట పండడం ఖాయం అంటున్నారు. అయితే హీరోయిన్‌ ఓరియెంటెడ్‌ సినిమాల్ని ఇప్పుడప్పుడే చేయనని రకుల్‌ గతంలో చెప్పింది. ఇంకా నాకు ఆ తరహా పాత్రల్ని పోషించేంత అనుభవం రాలేదంది. అయితే తాజాగా ఓ ప్రముఖ డైరెక్టర్‌ హీరోయిన్‌ సెంట్రిక్‌ స్టోరీ లైన్‌ వినిపించాడట. ఆ స్టోరీ పట్ల రకుల్‌ పోజిటివ్‌గా ఉందంటూ వార్తలు వస్తున్నాయి. అంటే రకుల్‌ మనసు మార్చుకుందా? రకుల్‌ ప్రధాన పాత్రలో సినిమా రాబోతోందా? ఏమో చూడాలి.