ముద్దుగుమ్మ రకుల్‌ ప్రీత్‌ సింగ్‌ టాలీవుడ్‌కి పరిచయమైన కొద్ది కాలంలోనే స్టార్‌ హీరోలందరి సరసన నటించి, స్టార్‌ హీరోయిన్‌ రేంజ్‌కి ఎదిగిపోయింది. చాలా తక్కువ టైంలోనే స్టార్‌ హీరోయిన్‌ ట్యాగ్‌ని అంది పుచ్చుకుంది ఈ ముద్దుగుమ్మ. అలా అని ఓన్లీ స్టార్‌ హీరోయిన్స్‌ ఆప్షనే.. అని కాకుండా, ఎట్‌ ది సేమ్‌ టైమ్‌ యంగ్‌ హీరోస్‌తోనూ జత కట్టింది. తన ఆటిట్యూడ్‌తో ఇండస్ట్రీలో అందరితోనూ స్నేహంగా మెలిగింది.
'స్పైడర్‌' సినిమాతో మహేష్‌తో నటించాలనే తన కలని నెరవేర్చుకుంది. అయితే దురదృష్టవశాత్తూ ఈ సినిమా ఆశించిన విజయాన్ని అందించలేదు రకుల్‌కి. ఏకకాలంలో తెలుగు, తమిళ భాషల్లో రూపొందిన ఈ సినిమాని మురుగదాస్‌ తెరకెక్కించారు. ఇదిలా ఉండగా, ప్రస్తుతం టాలీవుడ్‌లో రకుల్‌ హవా తగ్గిందనే చెప్పాలి. అందుకు కారణం కొత్త భామలతో పోటీ గట్టిగా మారింది. ఆడియన్స్‌ కూడా కొత్తగా ఆలోచిస్తున్నారు. దాంతో ఎవరి కెరీర్‌ ఎప్పటిదాకా వెలుగుతుందనేది చెప్పడం కష్టమే.
ఇప్పుడు టాలీవుడ్‌లో రకుల్‌ చేతిలో పెద్దగా సినిమాలు లేవు కానీ, తమిళంలో జోరు కొనసాగిస్తోంది. కోలీవుడ్‌ రకుల్‌కి మంచి ఆఫర్స్‌తో వెల్‌కమ్‌ చెబుతోంది. ఇప్పటికే సూర్య, కార్తిలతో రెండు సినిమాల్లో నటిస్తోంది. మరి కొన్ని క్రేజీ ప్రాజెక్టులు సైన్‌ చేసేందుకు సిద్ధంగా ఉంది. మరో పక్క బాలీవుడ్‌లోనూ రకుల్‌ తన అదృష్టాన్ని పరీక్షించుకోనుంది. 'అయ్యారీ' సినిమాతో రకుల్‌ ప్రీత్‌సింగ్‌ బాలీవుడ్‌లో గ్రాండ్‌ లాంఛ్‌ కానుంది. సిద్దార్ద్‌ మల్హోత్రా ఈ సినిమాలో హీరోగా నటిస్తుండగా, నీరజ్‌ పాండే దర్శకత్వం వహిస్తున్నారు. ఈ సినిమా ప్రచార చిత్రాలు బాలీవుడ్‌ ప్రేక్షకుల్ని విశేషంగా ఆకట్టుకుంటున్నాయి. తాజాగా ఈ సినిమా నుండి ఓ సాంగ్‌ వీడియోని రిలీజ్‌ చేశారు. 'లే డూబా..' అంటూ సాగే ఈ పాటలో రకుల్‌, సిద్దార్ద్‌ మల్హోత్రాల మధ్య కెమిస్ట్రీ సూపర్బ్‌గా ఉంది.
ఈ స్వీట్‌ మెలోడీ యూత్‌ని మెస్మరైజ్‌ చేస్తోంది. ఈ సినిమాతో రకుల్‌ బాలీవుడ్‌లో పాగా వేసేటట్లే ఉంది. చూడాలిక ఏం జరుగుతుందో. జనవరి 25న 'అయ్యారీ' ప్రేక్షకుల ముందుకు రానుంది.
