రకుల్‌ ప్రీత్‌ సింగ్‌ ఇప్పుడు తమిళ సినిమాలపై ఎక్కువ ఫోకస్‌ పెట్టిందట. హిందీ సినిమా 'అయ్యారీ' ప్రమోషన్స్‌లో బిజీగా ఉంది. ఆ సినిమా రిలీజ్‌ అయిపోయాక, మిగతా సినిమాల వివరాలు చెపుతుందట. మిగతా హీరోయిన్స్‌లా కాదు రకుల్‌ చాలా డిఫరెంట్‌ ఆటిట్యూడ్‌ ఉన్న అమ్మాయి. సినిమాలు ఓ పక్క చేస్తూనే ఇంకో పక్క ఫిట్‌నెస్‌ బిజినెస్‌లోకి దిగింది. ఆ బిజినెస్‌లో సక్సెస్‌ అయ్యింది. 

హిందీ సినిమాలు, తెలుగు సినిమాలు, కొత్తగా ఇప్పుడు తమిళ సినిమాలు ఇలా ఏం చేసినా అందులో తనదైన ప్రత్యేకత చూపించాలనుకుంటుంది రకుల్‌. సినీరంగంలో తన సక్సెస్‌కి ఇదే కారణమని రకుల్‌ చెబుతుంది. ఎప్పటికప్పుడు కొత్త లక్ష్యాలు పెట్టుకోకపోతే, రకుల్‌కి లైఫ్‌ బోర్‌ కొట్టేస్తుందట. తెలుగులో స్టార్‌డమ్‌ ఉన్నప్పుడే హిందీలోనూ, తమిళంలోనూ అవకాశాలు దక్కించుకుంది. అలాగని ఏదో ఒక సినిమా చేసేయ్యాలనుకోదట. కథకే మొదటి ప్రాధాన్యం ఇస్తానంటోంది. 

అలా ఈ ఏడాది కథే హీరో అనేలా 'అయ్యారీ' సినిమా ప్రేక్షకుల మన్ననల్ని అందుకోవడం ఖాయమని చెబుతోంది అందాల భామ రకుల్‌ ప్రీత్‌సింగ్‌. ఈ నెల 26న ఈ సినిమా ప్రేక్షకుల ముందుకు రానుంది. పెద్ద సక్సెస్‌తో న్యూ ఇయర్‌ ఆమెకు స్వాగతం పలుకుతుందేమో చూద్దాం.