మాస్ మహారాజ రవితేజ రోజురోజుకి వెండితెర పైన కొత్త కొత్తగా కనిపిస్తున్నాడు. అయితే ఇందులో ఆయన పాత్రతో పాటుగా ఆయన దర్శకుల పాత్ర కూడా ఉంది. మొన్ననే చాలా గ్యాప్ తరువాత వచ్చి రాజా ది గ్రేట్ చిత్రంతో హిట్ కొట్టాడు ఈ మాస్ మహారాజ. ఇక ఇప్పుడు టచ్ చేసి చూడు అంటూ అందరిని అలరించడానికి వచ్చేస్తున్నాడు రవితేజ.
కొద్దిసేపటి క్రితమే విడుదల అయిన ఈ సినిమా టీజర్ లో పోలిస్ ఆఫీసర్ పాత్రలో స్టైలిష్ గా కనిపిస్తున్నాడు. ముఖ్యంగా ఒకే ఒక్క షాట్ లో కనిపించినా సినిమాలో తన పాత్ర ఎలా ఉండబోతున్నదో అన్న హింట్ మనకి డైరెక్టర్ విక్రమ్ ఈ ఒక్క షాట్ తో చెప్పేశాడు.
బ్లాక్ షర్ట్ లో చూడడానికి మాస్ మాస్ గా రవితేజ స్క్రీన్ టైటిల్ కి తగ్గట్టుగా ఉన్నాడు అని చెప్పొచ్చు. ఇక ఈ టీజర్ ఒక్కటి చాలు ఈ సినిమా ఎలా ఉంటుందో అర్ధమైపోతుంది అని రవితేజ అభిమానులు ఫుల్ ఖుషిలో ఉన్నారు.
రవితేజ ఎనర్జీని మరోసారి ఈ సినిమాలో చూడొచ్చు అని ఈ టచ్ చేసి చూడు టీజర్ లో అర్దమైపోతున్నది. టచ్ చూస్తే అరుపులే..
