మెగా పవర్ స్టార్ రామ్ చరణ్ తేజ్ ఈరోజు సినిమాల కలెక్షన్స్ గురించిన కొన్ని ఆసక్తికర వ్యాఖ్యలు చేశాడు.
ఆ వివరాల్లోకి వెళితే, ఈరోజు ఒక మొబైల్ కంపెనీ లాంచ్ లో పాల్గొనడానికి వచ్చిన ఆయనకి సినిమాలకి సంబంధించి అలాగే కలెక్షన్స్ గురించి కొన్ని ప్రశ్నలు ఎదురయ్యాయి. వాటికి నిర్మొహమాటంగా సమాధానాలు ఆయన చెప్పడంతో అందరూ ఒకింత ఆశ్చర్యానికి గురయ్యారు.
ఆ సమాధానం ఏంటంటే- తన చిత్రాలకి సమబందించి ఇక పై కలెక్షన్స్ పోస్టర్లు పైన వేయడం కాని చెప్పడం కాని చేయొద్దు అని సూచిస్తాను అని చెప్పాడు. అలాగే ఒక సినిమాని ఎంతమంది చూసారు అన్న దాని పైన ఆ చిత్ర విజయం ఆధారపడి ఉంటుంది అంతేగాని ఆ చిత్రం కలెక్షన్స్ బట్టి కాదు అని చెప్పుకొచ్చాడు.
ఏదేమైనా.. రామ్ చరణ్ లాంటి ఒక స్టార్ హీరో ఇటువంటి నిర్ణయం తీసుకోవడం సాహసమే అని చెప్పొచ్చు.
