త‌నిఒరువ‌న్ తో ఆక‌ట్టుకున్న ద‌ర్శ‌కుడు మోహ‌న్ రాజా. ఈ సినిమాని తెలుగులో `ధృవ`గా రీమేక్ చేశారు. ఇక్క‌డా మంచి విజ‌యాన్ని అందుకుంది. ఇప్పుడు మోహ‌న్ రాజా `త‌నిఒరువ‌న్ 2` ప‌నిలో బిజీగా ఉన్నాడు. అయితే.. మోహ‌న్ రాజా రామ్ చరణ్ కోసం ఓ క‌థ సిద్ధం చేస్తున్నాడ‌ని, త్వ‌ర‌లోనే ఈ కాంబినేష‌న్ ప‌ట్టాలెక్కే అవ‌కాశం ఉంద‌న్న‌ది లేటెస్ట్ టాలీవుడ్ టాక్‌.
మోహ‌న్ రాజాతో చరణ్ ఇటీవ‌ల భేటీ వేసిన‌ట్టు, `త‌ని ఒరువ‌న్ 2` గురించి ఆరా తీసిన‌ట్టు తెలుస్తోంది. త‌ని ఒరువ‌న్ 2 క‌థ న‌చ్చితే, ఆ హ‌క్కుల్ని తీసుకుని `ధృవ 2`గా తెర‌కెక్కించాల‌ని చరణ్ ప్లాన్‌. అయితే ఈ భేటీలో మోహ‌న్ చ‌ర‌ణ్‌కి మ‌రో క‌థ చెప్పాడ‌ని, అది చ‌ర‌ణ్‌కి బాగా న‌చ్చింద‌ని తెలుస్తోంది. పాన్ ఇండియా స్థాయిలో ఆ క‌థ‌ని తెర‌కెక్కిస్తే బాగుంటుంద‌ని చరణ్ భావిస్తున్నాడ‌ట. `ఆర్.ఆర్.ఆర్` త‌ర‌వాత.. ఏ సినిమా చేయాల‌న్న విష‌యంలో చరణ్ ఇంకా ఓ అభిప్రాయానికి రాలేదు. ఈ నేప‌థ్యంలో త‌ను చాలా క‌థ‌లు వింటున్నాడు. అందులో మోహ‌న్ రాజా క‌థ కూడా ఒక‌టి. `ఆర్.ఆర్.ఆర్` త‌ర‌వాత... ఈ క‌థ‌నే ప‌ట్టాలెక్కిస్తారా, లేదంటే మ‌రో సినిమా చేశాకే దీన్ని సెట్స్‌పైకి తీసుకెళ్తారా? అన్న‌ది చూడాలి. మొత్తానికి ఈ కాంబోలో ఓ సినిమా రావ‌డం మాత్రం ఖాయంగానే క‌నిపిస్తోంది.
