చరణ్‌ - సుకుమార్‌ 'రంగస్థలం'

By iQlikMovies - June 09, 2017 - 10:44 AM IST

మరిన్ని వార్తలు

చరణ్‌ - సుకుమార్‌ కాంబినేషన్‌లో తెరకెక్కుతోన్న సినిమాకి టైటిల్‌ ఫిక్స్‌ చేశారు. ఇంతవరకూ పలు టైటిల్స్‌ పరిశీలించిన ఈ చిత్రానికి అదిరిపోయే టైటిల్‌ని సెట్‌ చేశారు. అదే 'రంగస్థలం'. టైటిల్‌ అదిరింది కదా. పల్లెటూరి వాతావరణంలో చాలా ఆహ్లాదంగా తెరకెక్కుతోన్న చిత్రమిది. అందుకే అంతే ఆహ్లాదమైన టైటిల్‌ని ఈ సినిమాకి పెట్టారు. 'రంగస్థలం 1985' అనే టైటిల్‌ అందర్నీ ఎట్రాక్ట్‌ చేస్తోంది. ఈ టైటిల్‌ పట్ల అంతా సంతృప్తిగా ఉన్నారు. 1985 కాలం నాటి స్టోరీ ఇది. ఓ పల్లెటూరిలో జరిగే క్యూట్‌ లవ్‌ స్టోరీ. పల్లెటూరి కుర్రోడి గెటప్‌లో చరణ్‌ ఫస్ట్‌లుక్‌ అదిరిపోయే రెస్పాన్స్‌ అందుకుంటోంది ఇప్పటికే. సమంత హీరోయిన్‌గా నటిస్తోంది ఈ సినిమాలో. తొలిసారిగా సమంత, చరణ్‌తో జోడీ కడుతోంది. అంతేకాదు ఇదో ప్రయోగాత్మక చిత్రం. ఈ చిత్రంలో చరణ్‌ మూగ, చెవుడు ఉన్న కుర్రాడిలా నటిస్తున్నాడని ప్రచారం జరుగుతోంది. ఈ సినిమాకి దేవిశ్రీ ప్రసాద్‌ మ్యూజిక్‌ అందిస్తున్నారు. సుకుమార్‌ సినిమాలకి దేవిశ్రీ ప్రసాద్‌ ఆస్థాన సంగీత విద్వాంసుడు. 1985 కాలానికి తగ్గట్లుగా వినసొంపైన మ్యూజిక్‌ని అందించాడు దేవి ఈ సినిమాకి.వేసవి తీవ్రత కారణంగా కొన్ని రోజులు షూటింగ్‌ విరామం తీసుకున్నారు. త్వరలో నెక్స్ట్‌ షెడ్యూల్‌ ప్రారంభం కానుంది. చరణ్‌ గెటప్‌, బాడీ లాంగ్వేజ్‌ కోసం చాలా కసరత్తులు జరిగాయి.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS