మెగా ప్రిన్స్ రామ్ చరణ్ రాజమండ్రి పరిసరాల్లో షూటింగ్ చేస్తున్న సంగతి తెలిసిందే. ఈ షూటింగ్ ని తన సమ్మర్ వెకేషన్ లాగా కుడా చెర్రీ మార్చేశాడు, తన భార్య ఉపాసనతో కలిసి గోదావరి పరిసరాల్లో పర్యటిస్తూ అందరిని అలరించాడు.
వివరాల్లోకి వెళితే, సుకుమార్ దర్శకత్వంలో జరుగుతున్న ఈ సినిమా మొదటి షెడ్యూల్ నేటితో పూర్తయ్యింది. దీనికి సంబంధించి రామ్ చరణ్ అలాగే నిర్మాణ సంస్థ అయిన మైత్రి మూవీ మేకర్స్ ఈ వార్తని అధికారికంగా దృవీకరించారు.
ఇక షూటింగ్ విషయానికి వస్తే, చరణ్ ఇంతకుముందు ఎన్నడు కనిపించని గెటప్ లో కనపిస్తాడట. అలాగే ఈ చిత్ర కథా, కథనాలు కూడా వైవిధ్యభరితంగా ఉంటాయి అని యూనిట్ వర్గాల టాక్.
అయితే రెండవ షెడ్యూల్ కి సంబంధించి ఇంకా ప్రకటన తెలియాల్సిఉంది. మొత్తానికి సుకుమార్ మెగా ప్రిన్స్ ని కొత్త కోణంలో కనిపించడం ఖాయంగా తెలుస్తుంది.
