చిరంజీవి - రామ్‌చ‌ర‌ణ్‌లను ఒకే తెర‌పై, ఒకేసారి చూడాల‌ని ఎవ‌రి ఉండ‌దు? మ‌గ‌ధీర, ఖైదీ నెం.150ల‌లో ఆ కోరిక తీరింది. అయితే అవి రెండూ పూర్తి స్థాయి పాత్ర‌లు కావు. మ‌గ‌ధీర‌లో చిరు గెస్ట్ అయితే, ఖైదీ నెం.150లో రామ్ చరణ్ గెస్ట్ అవ‌తారం ఎత్తాడు. అయితే కొర‌టాల శివ ద‌ర్శ‌క‌త్వంలో రూపొందుతున్న చిత్రంలో రామ్ చరణ్ కూడా న‌టిస్తాడ‌ని, ఫ్లాష్ బ్యాక్‌లో వ‌చ్చే స‌న్నివేశాల్లో చిరంజీవిగా రామ్ చరణ్ క‌నిపిస్తార‌ని ప్ర‌చారం జ‌రుగుతోంది. ఇప్పుడు దీనిపై చరణ్ క్లారిటీ ఇచ్చాడు.
కొర‌టాల శివ ఇప్ప‌టి వ‌ర‌కూ ఆ విష‌యం త‌న‌కు చెప్ప‌లేద‌ని, త‌న‌కు త‌గిన పాత్ర ఉంటే త‌ప్ప‌కుండా చేస్తాన‌ని బ‌దులిచ్చాడు. అంతేకాదు.. `లూసీఫర్` రీమేక్ గురించి కూడా చరణ్ స్పందించాడు. లూసీఫర్ రీమేక్ లో చిరు, చరణ్ క‌లిసి న‌టిస్తార‌ని ప్ర‌చారం జరిగింది. దీనిపై బ‌దులిస్తూ... లూసీఫర్ రీమేక్ హ‌క్కులు తీసుకున్న మాట వాస్త‌వ‌మే అని.. కానీ అందులో తాను న‌టించ‌డం లేద‌ని క్లారిటీగా చెప్పేశాడు. అంటే ఈ రెండు సినిమాల్లోనూ చరణ్ న‌టించ‌డం లేద‌న్న‌మాట!
