'రంగస్థలం' మేనియా స్టార్ట్‌ అయిపోయింది. విడుదల దగ్గరవుతున్న కొద్దీ చిత్ర యూనిట్‌ ప్రమోషన్‌ కార్యక్రమాలు షురూ చేసింది. ఇందులో భాగంగా ఇటీవలే 'చిట్టిబాబు'గా మెగాపవర్‌ స్టార్‌ రామ్‌ చరణ్‌ ఫస్ట్‌లుక్‌ టీజర్‌ని విడుదల చేసింది. అంచనాలకు తగ్గట్లుగానే 'చిట్టిబాబు అదరగొట్టేశాడు' అంటూ కాంప్లిమెంట్స్‌ వచ్చాయి ఆ టీజర్‌కి. 

'రామలక్ష్మి' సమంత కోసం స్పెషల్‌ టీజర్‌ చేయించారు. ఈ టీజర్‌కి సమంత వయ్యారాలను రామ్‌ చరణ్‌ తన మాటల్లో వర్ణిస్తున్న తీరుకు రెస్పాన్స్‌ అదిరిపోతోంది. చెర్రీ ఐడియాకి సమంత థ్యాంక్స్‌ చెబితే, సోషల్‌ మీడియాలో చరణ్‌ ఆలోచనలకి ఇండస్ట్రీ నుంచి ఊహించని స్పందన వస్తోంది. ఈ సినిమా రామ్‌చరణ్‌కి ఎంతో ప్రత్యేకం. ఆ మాటకొస్తే, సమంతతోపాటు ఈ సినిమాలో నటించే ప్రతీ ఆర్టిస్టుకీ ప్రత్యేకమే ఈ సినిమా. ఇలాంటి కాన్సెప్ట్‌తో లవ్‌స్టోరీ అనే స్క్రిప్టు ప్రిపేర్‌ చేసిన సుకుమార్‌ని అభినందించాల్సిందే. టెక్నాలజీకి దూరంగా ఓ ఊరు. ఆ ఊరిలో అందమైన ప్రేమజంట. ఊహించేందుకే ఎంతో అందంగా అనిపిస్తోంది.అందుకే సినిమాపై అంత ఇంట్రెస్టింగ్‌ హైప్‌ క్రియేట్‌ అయ్యింది. 

సినిమా రిలీజ్‌ డేట్‌ దగ్గర పడేకొలదీ సినిమాకి సంబంధించిన ఒక్కొక్క సర్‌ప్రైజ్‌నీ రివీల్‌ చేయనున్నారు. తొలి సాంగ్‌ని ఈ నెల13న విడుదల చేయనున్నారనీ చిత్ర యూనిట్‌ అఫీషియల్‌గా ప్రకటించింది. కమర్షియల్‌ సినిమాల జోరులో కొట్టుకుపోకుండా, చరణ్‌ గేర్‌ మార్చేశాడు 'ధృవ' సినిమాతో. 'రంగస్థలం' సినిమా అయితే ఇదొక డిఫరెంట్‌ ప్యాకేజ్‌. చరణ్‌, ఈ 'రంగస్థలం' ఒప్పుకోవడంతోనే అందరికీ పెద్ద షాక్‌ ఇచ్చేశాడనుకోవాలి. చరణ్‌ కోసం సుక్కూ ఇలాంటి కాన్సెప్ట్‌ ఎంచుకోవడం, దానికి చరణ్‌ ఓకే చేయడం ఇవన్నీ ఇప్పటికీ చాలామందిని ఆశ్చర్యానికి గురిచేస్తున్నాయి. 

ఇదిలా ఉంటే, 'రంగా..రంగా..రంగస్థలాన' అంటూ వస్తున్న టైటిల్‌ సాంగ్‌ బిట్‌తోనే దేవిశ్రీ అదరగొట్టేసిన వైనం ఇంకా స్పెషల్‌.