గుబురు గెడ్డాలతో డిఫరెంట్‌ గెటప్స్‌తో ఉన్న ఈ ఇద్దరు మెగా బ్రదర్స్‌ తమ తమ సినిమాల కోసం ఈ తరహా గెటప్స్‌లో కనిపిస్తున్నారన్న సంగతి తెలిసిందే. ఆ లోగా మెగా ఫ్యాన్స్‌ కోసం ఈ ఇద్దరు అన్నదమ్ములు ఇలా సరదాగా ఓ ఫోటోకి పోజిచ్చారు. భలే ఉన్నారు కదా. సుకుమార్‌ దర్శకత్వంలో రామ్‌ చరణ్‌ 'రంగస్థలమ్‌' సినిమాలో నటిస్తున్నాడు. ఈ సినిమా కోసం రామ్‌ చరణ్‌ బాడీ లాంగ్వేజ్‌ మొత్తం మార్చేశాడు. అచ్చమైన పల్లెటూరి వాతావరణంలో తెరకెక్కుతోన్న సినిమా ఇది. సమంత హీరోయిన్‌గా నటిస్తోంది. కండలు తీరిన శరీరం, మాస్‌ అప్పీల్‌తో చాలా స్పెషల్‌గా ఉండనున్నాడు ఈ సినిమాలో రామ్‌ చరణ్‌. అన్నట్లు ఈ సినిమాకి 'రంగస్థలమ్‌' టైటిల్‌ కారణంగా ఇదేదో నాటకాల కాన్సెప్ట్‌లో తెరకెక్కే సినిమాగా భావించారు ఇంతవరకూ. కానీ అదేమీ కాదనీ, 'రంగస్థలమ్‌' అంటే ఓ అందమైన పల్లెటూరి పేరనీ చిత్ర యూనిట్‌ నుండి వచ్చిన తాజా సమాచారమ్‌. కాగా వరుణ్‌ తేజ్‌ వెంకీ అట్లూరి దర్శకత్వంలో ఓ సినిమాలో నటిస్తున్నాడు. క్యూట్‌ రొమాంటిక్‌ లవ్‌స్టోరీ అది. ఇంకా టైటిల్‌ ఖరారు కాలేదు. కానీ 'తొలిప్రేమ' టైటిల్‌ అనీ ప్రచారం జరుగుతోంది. ఈ ప్రచారాన్ని చిత్ర యూనిట్‌ ఖండించలేదు. కానీ అఫీషియల్‌గా ప్రకటించలేదు. స్టైలిష్‌ లుక్‌లో రొమాంటిక్‌ అండ్‌ హ్యాండ్‌సమ్‌లా కనిపిస్తాడు ఈ సినిమాలో వరుణ్‌ తేజ్‌. రాశీఖన్నా హీరోయిన్‌గా నటిస్తోంది. గతంలో బాబాయ్‌ పవన్‌ కళ్యాణ్‌ నటించిన 'తొలిప్రేమ' తరహా కథను పోలి ఉంటుందట ఈ చిత్రం. అందుకే ఈ సినిమాకి అదే టైటిల్‌ అయితే బావుంటుందని భావిస్తున్నారు. లవ్‌ మంత్‌ అయిన ఫిబ్రవరి 9న ఈ సినిమాని ప్రేక్షకుల ముందుకు తీసుకురానున్నారు. సినిమాల సంగతి పక్కన పెడితే, ఈ ఇద్దరి గెటప్స్‌ మాత్రం సూపర్బ్‌హే. ఈ ఫోటో అంతకన్నా సూపర్‌. ఇద్దరు మెగా బ్రదర్స్‌ని ఇలా ఒకే ఫోటోలో చూస్తుంటే రెండు కళ్లూ చాలట్లేదంతే!