రామ్ కొత్త సినిమా ఈరోజే ప్రారంభ‌మైంది. గ‌రుడ వేగ‌తో.. సూప‌ర్ స‌క్సెస్ కొట్టిన ప్ర‌వీణ్ స‌త్తారు ఈ చిత్రానికి ద‌ర్శ‌కుడు. స్ర‌వంతి మూవీస్ ప‌తాకంపై స్ర‌వంతి ర‌వికిషోర్ నిర్మిస్తున్నారు. అయితే ఈ సినిమాకి హీరోయిన్ ఎవ‌రన్న‌దీ ఇంకా తెలియ‌లేదు. హీరోయిన్ ఎవ‌రో డిసైడ్ చేయ‌కుండానే పూజా కార్య‌క్ర‌మాల‌తో సినిమా మొద‌లెట్టేశారు.

అయితే ఆ ఛాన్స్ మాళ‌విక శ‌ర్మ‌కి ద‌క్కింద‌ని టాక్‌.  ర‌వితేజ క‌థానాయ‌కుడిగా న‌టించిన 'నేల టికెట్టు'తో టాలీవుడ్‌లోకి అడుగుపెడుతోంది మాళ‌వికా శ‌ర్మ‌. మాళ‌విక అయితే రామ్ ప‌క్క‌న స‌రిగ్గా స‌రిపోతుంద‌ని చిత్ర‌బృందం భావిస్తోంద‌ట‌. అందుకే... తొలి సినిమా విడుద‌ల కాక‌మునుపే మాళ‌విక‌కి మ‌రో ఛాన్స్ ద‌క్కిన‌ట్టైంది.

మేలో రెగ్యుల‌ర్ షూటింగ్ మొద‌లు కాబోతోంది. ఈలోగా క‌థానాయిక‌గా ఆమె పేరు అధికారికంగా ప్ర‌క‌టించే అవ‌కాశం ఉంది.