స్వర్గీయ నందమూరి తారక రామారావు బయోపిక్‌ని తెరకెక్కించి వర్మ తమిళనాడు దివంగత ముఖ్యమంత్రి జయలలిత బయోపిక్‌ని అనౌన్స్‌ చేసిన సంగతి తెలిసిందే. తెలంగాణా ముఖ్యమంత్రి బయోపిక్‌ అంటూ, 'టైగర్‌ కేసీఆర్‌' మూవీని రీసెంట్‌గా అనౌన్స్‌ చేసిన సంగతి కూడా తెలిసిందే.
ఈ బయోపిక్‌కి సంబంధించి వర్మ తాజాగా ఓ ట్వీట్‌ అప్‌డేట్‌ ఇచ్చారు. ఈ సినిమాలో కేసీఆర్‌ని హీరోగా చూపిస్తూ, చంద్రబాబును విలన్‌గా చూపించనున్నారు వర్మ అని భావించారంతా. కానీ కాదు, వర్మ తన ట్విట్టర్‌లో లేటెస్ట్‌గా పోస్ట్‌ చేసిన వీడియో ద్వారా ఆశక్తికరమైన విషయం బయటపడింది. 'టైగర్‌ కేసీఆర్‌'లో కేసీఆర్‌నే విలన్‌గా చూపించబోతున్నాడట వర్మ. 'వస్తున్నా టైగర్‌ కేసీఆర్‌.. నీ తాట తీసేందుకే వస్తున్నా..' అంటూ వర్మ ఆ వీడియోలో పేర్కొన్నారు. 'మా భాష మీద నవ్వినవ్‌, మా ముఖాలపై ఊసినవ్‌.. మా బాడీలపై నడిసినవ్‌.. వస్తున్నా నీ తాట తీసేందుకే వస్తున్నా.. ' టైగర్‌ కేసీఆర్‌ కమింగ్‌ సూన్‌ అంటూ వర్మ ఓ పాట రూపంలో సినిమాలోని విషయాన్ని చెప్పేశారు. అంటే రామ్‌గోపాల్‌ వర్మ టార్గెట్‌ ఈసారి తెలంగాణా ముఖ్యమంత్రిపైన అని అర్ధమైపోయింది. ఆంధ్రోళ్లకు ఫేవర్‌గా వర్మ ఈ సినిమాని తీయబోతున్నారనీ తెలుస్తోంది. ఈ వీడియోతో ఒక్కసారి తెలంగాణాలో ప్రకంపనలు రేపారు వర్మ. ఈ ప్రకంపనలు ఎంత దూరమెళతాయో.
'లక్ష్మీస్‌ ఎన్టీఆర్‌'తో చంద్రబాబును కెలికి కెలికి, వదిలి పెట్టాడు వర్మ. చివరికి ఆ సినిమా ఆంధ్రాలో విడుదల కాకుండా పోయింది. ఇక ఈ సినిమాతో కేసీఆర్‌ని కెలుకుతున్నాడు. మరి ఈ సినిమా తెలంగాణాలో విడుదల కాకుండా, ఆంధ్రాలో మాత్రమే విడుదలవుతుందేమో. చూడాలి మరి.
