బాహుబ‌లితో రానా మైలేజీ బాగా పెరిగింది. తాను ఇప్పుడు పాన్ ఇండియా స్టార్‌. బాలీవుడ్ సినిమాలో త‌ర‌చూ త‌న‌కు ఆఫ‌ర్లు వ‌స్తూనే ఉంటాయి. తాజాగా ఓ సూప‌ర్ ఛాన్స్ రానా ప‌ర‌మైన‌ట్టు ఇండ్ర‌స్ట్రీ వ‌ర్గాల టాక్‌. త‌మిళ ద‌ర్శ‌కుడు అట్లీతో షారుక్ ఖాన్ ఓ సినిమా చేస్తున్న సంగ‌తి తెలిసిందే. ఇటీవ‌లే ఈ చిత్రం ప్రారంభమైంది. ఇందులో రానాకి ఓ కీల‌క‌మైన పాత్ర ద‌క్కిన‌ట్టు స‌మాచారం. ప్ర‌స్తుతం చిత్ర‌బృందం రానాతో సంప్ర‌దింపులు జ‌రుపుతోంద‌ని, త్వ‌ర‌లోనే రానా ఎంట్రీపై అధికారిక ప్ర‌క‌ట‌న రానుంద‌ని స‌మాచారం. షారుక్ సినిమాలో ఛాన్స్ అంటే ఎవ‌రు వ‌దులుకుంటారు? రానా ఈ సినిమాలో చేరిపోవ‌డం ఖాయంగానే క‌నిపిస్తోంది.

ఇది వ‌ర‌కు బేబీ లాంటి సినిమాల్లో రానా న‌టించి మంచి పేరు తెచ్చుకున్నాడు. బాహుబ‌లితో బాలీవుడ్ కి మ‌రింత ద‌గ్గ‌ర‌య్యాడు రానా. అయితే ఆ త‌ర‌వాతే స‌రైన సినిమా ప‌డ‌లేదు. బాలీవుడ్ నుంచి కొన్ని ఆఫ‌ర్లు వచ్చినా, రానాకి త‌న‌కున్న క‌మిట్‌మెంట్స్ వ‌ల్ల చేయ‌లేదు. ఈసారి మాత్రం ఈ ఛాన్స్ వ‌దులుకోడేమో అనిపిస్తోంది. చూద్దాం.. ఏం జ‌రుగుతోందో?