చారిత్రక నేపధ్యం ఉన్న చిత్రం 'ఉయ్యాలవాడ నరసింహారెడ్డి' త్వరలోనే సెట్స్‌ పైకి వెళ్లనుంది. ఈ సినిమాకి పోస్ట్‌ ప్రొడక్షన్‌ పనులు వేగవంతం చేశారు. చిరంజీవి ప్రధాన పాత్రలో తెరకెక్కుతోన్న ఈ సినిమాలో రానా ఓ పాత్రలో నటించబోతున్నాడంటూ వార్తలు వస్తున్నాయి. రానాది నెగిటివ్‌ రోల్‌ అంటూ గాసిప్స్‌ చక్కర్లు కొడుతున్నాయి. అయితే తన దగ్గరకి ఇంకా ఈ విషయం రాలేదంటున్నాడు భళ్లాలదేవ. ఈ విషయంపై ఇంకా తననెవరూ సంప్రదించలేదంటున్నాడు. అయితే రానా చిరంజీవి ఫ్యామిలీకి అత్యంత సన్నిహితుడు. చరణ్‌కి క్లోజెస్ట్‌ ఫ్రెండ్‌. అంతే కాదు రానా తాత అయిన రామానాయుడికి చిరంజీవి అంటే ప్రత్యేక అభిమానం. ఆయన చిరును రాజా అని ముద్దుగా పిలిచేవారు. సో ఈ కారణాలతో రానాని ఈ సినిమాలో నటించమని అడిగితే కాదనే అవకాశాలుండవు. 'బాహుబలి' సినిమాతో నెగిటివ్‌ షేడ్స్‌ ఉన్న పాత్రలకి రానా ప్రఖ్యాతి గాంచేశాడు. పౌరాణిక, చారిత్రక నేపధ్యం ఉన్న సినిమాల్లో అయితే నెగిటివ్‌ రోల్స్‌లో రానా కటౌట్‌కి ది బెస్ట్‌ అప్పీల్‌ ఉంటుంది. ఇందులో సందేహమే లేదు. అయితే ఈ సినిమాలో రానా నటిస్తాడా? లేదా అని తెలియాలంటే కొంచెం కాలం ఆగాల్సిందేనేమో. ఈ సినిమాకి రామ్‌ చరణ్‌ నిర్మాతగా వ్యవహరిస్తున్నారు. అత్యంత భారీ బడ్జెట్‌తో కొణిదెల ప్రొడక్షన్స్‌లో ఈ సినిమా రూపొందనున్న ఈ సినిమాకి సురేందర్‌ రెడ్డి దర్శకత్వం వహిస్తున్నారు.