సుధీర్‌ బాబు సిక్స్‌ ప్యాక్‌ ఫోటోలు సోషల్‌ మీడియాలో హల్‌ చల్‌ చేస్తున్నాయి. ఎందుకంటారా? ఓ సినిమా కోసం. అయితే ఈ సినిమాలో సుధీర్‌ బాబు హీరో కాదు. కేవలం నాలుగు సెకన్లు మాత్రమే కనిపిస్తాడట. నాలుగు నెలలు కష్టపడితే, నాలుగు సెకెన్లు మాత్రమే తెరపై కన్పించే అవకాశం. అయినప్పటికీ ఆ కాస్త సన్నివేశం జీవితంలో ఎంతో సంతృప్తినిస్తుందట. ఇదంతా 'శమంతకమణి' సినిమా కోసం. ఈ సినిమాలో కీలక పాత్రలో కనిపించబోతున్నాడు సుధీర్‌ బాబు. తెరపై 4 సెకెన్ల నిడివి మాత్రమే ఉండే ఆ సన్నివేవం కోసం నాలుగు నెలలు కష్టపడ్డాడు. సిక్స్‌ ప్యాక్‌ ఫిజిక్‌తో అదరగొట్టేశాడు. సోషల్‌ మీడియాలో పెట్టిన ఆ ఫొటోలు ఇప్పుడు వైరల్‌ అవుతున్నాయి. శ్రీరామ్‌ ఆదిత్య దర్శత్వంలో ఈ సినిమా తెరకెక్కుతోంది. నారా రోహిత్‌, సందీప్‌ కిషన్‌, ఆది కలిసి నటిస్తున్నారు ఈ సినిమాలో. ఇదో మినీ మల్టీస్టారర్‌ మూవీ. ఈ మూవీలో సుధీర్‌ బాబు పాత్ర ఏంటనేది సస్పెన్స్‌. నేడే ఈ సినిమా షూటింగ్‌లో పాల్గొంటున్నాడు సుధీర్‌బాబు. సుధీర్‌ బాబు కండలు చూస్తుంటే ఏదో పవర్‌ ఫుల్‌ పాత్ర అనే గుసగుసలు వినిపిస్తున్నాయి. త్వరలోనే సుధీర్‌ బాబు బ్యాడ్మింటన్‌ ఛాంపియన్‌ గోపీచంద్‌ పాత్రలో కనిపించనున్నాడు. గోపీచంద్‌ జీవిత గాధ ఆధారంగా ఈ సినిమాని తెరకెక్కించడానికి ఎప్పటి నుండో సన్నాహాలు జరుగుతున్నాయి.