రణ్‌బీర్‌ కపూర్‌ హీరోగా తెరకెక్కుతోన్న చిత్రం 'జగ్గా జాసూస్‌'. ఈ సినిమా రేపే ప్రేక్షకుల ముందుకు రానుంది. మాజీ ప్రేమికులైన రణ్‌బీర్‌ పూర్‌, కత్రినా కైఫ్‌ జంట ఈ సినిమాలో చాలా కాలం తర్వాత జత కడుతున్నారు. ఈ సినిమాకి ప్రమోషన్‌ కార్యక్రమాలు అదిరిపోతున్నాయి. సినిమా ప్రోమోస్‌ కూడా చాలా ఇంట్రెస్టింగ్‌గా ఉన్నాయి. మ్యూజిక్‌, డాన్స్‌ ఇలా ఒక్కటేమిటి ఈ సినిమాకి చాలా ప్లస్‌ పాయింట్స్‌ ఉన్నట్లు అనిపిస్తోంది. డాన్సులు, ఎక్స్‌ప్రెషన్స్‌తో డిఫరెంట్‌గా ఆకట్టుకుంటున్నాడు రణ్‌బీర్‌ కపూర్‌. అలాగే రణ్‌బీర్‌, కత్రినా కైఫ్‌ మధ్య కెమిస్ట్రీకి బాలీవుడ్డే కాదు, టాలీవుడ్‌ సైతం ఫిదా అయిపోతోంది. అయితే ఈ సినిమా రేపు ప్రేక్షకుల ముందుకు వస్తున్న సందర్భంగా హీరో రణ్‌బీర్‌ కపూర్‌ సంచలన వ్యాఖ్యలు చేశాడు. ఒకవేళ ఈ సినిమా ఫ్లాప్‌ అయితే డబ్బులు తిరిగిచ్చేస్తానంటూ అనౌన్స్‌ చేశాడు. ఎగ్జిక్యూటివ్స్‌నీ, సినిమా డిస్ట్రిబ్యూటర్స్‌నీ ఉద్దేశించి రణ్‌బీర్‌ ఈ మాటలు అన్నాడు. ఇంతవరకూ ఏ హీరో ఇలా చెప్పలేదు. అంటే ఈ సినిమాపై రణ్‌బీర్‌ ఎంత నమ్మకంగా ఉన్నాడో అర్ధం చేసుకోవచ్చు. సినిమాపై ప్రేక్షకుల్లోనూ అంచనాలు భారీగానే ఉన్నాయి. ఇక చిత్ర యూనిట్‌ కూడా అదే స్థాయిలో ఉంది ఈ సినిమా విజయంపై. లేటెస్టుగా రణ్‌బీర్‌ చేసిన ఈ వ్యాఖ్యలతో ఫిక్సయిపోవచ్చు. సినిమా గ్యారంటీ హిట్‌ అని. మరి కొన్ని గంటలు మాత్రమే మిగిలి ఉందిగా రిజల్ట్‌ తేలిపోవడానికి చూద్దాం !