మెగా పవర్ స్టార్ రామ్ చరణ్ రంగస్థలం చిత్రం బాక్స్ ఆఫీస్ వద్ద తన సత్తాని విస్తృతస్థాయిలో దూసుకుపోతున్నది.
నిన్నటివరకు అనగా సినిమా విడుదలైన మొదటివారంలో ఈ చిత్రం సుమారు రూ 80కోట్ల (షేర్) మేర వసూళ్ళు సాధించి ఒక కొత్త రికార్డు సృష్టించింది. ఈ లెక్కల ప్రకారం, బాహుబలి యేతర రికార్డుని ఈ చిత్రం సాధించగలిగింది. దీనితో రామ్ చరణ్ ఇప్పుడు బిగ్గెస్ట్ స్టార్ గా అవతరించాడు అని చెప్పాలి.
అయితే ఈ సినిమాతో ఆయన వసూళ్ళ పరంగానే కాకుండా నటన పరంగా కూడా ఆయన అందరి మన్ననలు పొందగలిగాడు. ఇక ఈ చిత్రం వచ్చేవారంలో కూడా వసూళ్ళ పరంగా బాగానే వసూలు చేయోచ్చు అని ట్రేడ్ వర్గాల సమాచారం. కారణం- ఈ వారం వచ్చిన చిత్రం ప్రేక్షకులని అంతగా ఆకట్టుకోలేకపోవడమే!
మొత్తానికి మెగా పవర్ స్టార్ రామ్ చరణ్ రంగస్థలం చిత్రం మెగా ఫ్యామిలీకి, మెగా అభిమానులకి అలాగే సాధారణ ప్రేక్షకులకి కూడా ఒక గుర్తిండిపోయే చిత్రంగా మిగిలిపోయింది.
