'రారండోయ్‌ వేడుక చూద్దాం' సినిమా షూటింగ్‌ పూర్తయ్యింది. సోషల్‌ మీడియాలో ఈ విషయాన్ని చిత్ర యూనిట్‌ వెల్లడించింది. నాగచైతన్య, రకుల్‌ ప్రీత్‌ సింగ్‌ జంటగా నటిస్తున్నారు ఈ సినిమాలో. కళ్యాణ్‌కృష్ణ దర్శత్వంలో ఈ సినిమా తెరకెక్కుతోంది. ఇప్పటికే బయటికి వచ్చిన సినిమా స్టిల్స్‌ సినిమాపై అంచనాల్ని పెంచేశాయి. సినిమా ఓ పండగలా అనిపిస్తోంది. త్వరలోనే ఈ సినిమా విడుదలకు సిద్ధమవుతోంది. ఫస్ట్‌ సింగిల్‌ రేపు సాయంత్రం విడుదల కానుంది. అక్కినేని నాగార్జున ఈ చిత్రాన్ని నిర్మిస్తున్నారు. నాగార్జునతో 'సోగ్గాడే చిన్ని నాయనా' చిత్రాన్ని రూపొందించిన కళ్యాణ్‌కృష్ణ ఈ చిత్రాన్ని ఎంతో ప్రతిష్ఠాత్మకంగా భావించి తెరకెక్కిస్తున్నారు. ఆ సినిమా విజయం దృష్టిలో పెట్టుకుని ఈ సినిమాపై భారీ అంచనాలు నెలకొన్నాయి. మరో పక్క లక్కీ మస్కెట్‌ రకుల్‌ ప్రీత్‌ సింగ్‌ కూడా ఈ సినిమాకి మరో ప్రధాన ఆకర్షణ. తొలిసారిగా ఈ జంట స్క్రీన్‌పై సందడి చేయనుంది. 'ప్రేమమ్‌', సాహసం శ్వాసగా సాగిపో' చిత్రాలతో వరుస విజయాన్ని అందుకున్నాడు నాగ చైతన్య. ఈ సినిమాతో హ్యాట్రిక్‌ కొట్టడం ఖాయమంటున్నారు. మరో పక్క ముద్దుగుమ్మ సమంతతో నిశ్చితార్ధం చేసుకుని పెళ్లి పీటలెక్కేందుకు రెడీగా ఉన్నాడు. పెళ్లికి ముందే సమంతతో ఓ సినిమాలో చైతూ నటించనున్నాడనీ సమాచారం.
