ఎన్టీఆర్ బ‌యోపిక్‌లో స్టార్ క‌థానాయిక‌ల ప‌రంప‌ర కొన‌సాగుతోంది. క‌ల్యాణ్‌రామ్‌, రానా, సుమంత్ ఈ చిత్రంలో కీల‌క పాత్ర‌ల్లో క‌నిపిస్తున్నారు. క‌థానాయిక‌ల విష‌యానికొస్తే  త‌మ‌న్నా, స‌మంత‌, ర‌కుల్‌, నిత్య‌.. ఇలా చాలామంది ఈ టీమ్‌లో ఇప్పుడు రాశీఖ‌న్నా కూడా చేరింది.  జ‌య‌ప్ర‌ద‌గా రాశీఖ‌న్నా క‌నిపించ‌బోతోంది. ఇందుకు సంబంధించిన షూటింగ్ కూడా పూర్త‌యిపోయింది.

జ‌య‌సుధ‌గా ఆర్ ఎక్స్ 100 ఫేమ్ పాయ‌ల్ రాజ్‌పుట్ న‌టించ‌నుంది. క్రిష్ ద‌ర్శ‌క‌త్వం వ‌హిస్తున్న ఈ చిత్రాన్ని సంక్రాంతికి విడుద‌ల చేస్తారు. జ‌న‌వ‌రి 9న తొలి భాగం క‌థానాయ‌కుడు విడుద‌ల అవుతోంది. 24న మ‌హానాయ‌కుడు విడుద‌ల చేస్తారు. క‌ల్యాణ్ రామ్ త‌న తండ్రి హ‌రికృష్ణ పాత్ర‌లో న‌టిస్తున్న సంగ‌తి తెలిసిందే.  ఎన్టీఆర్  సినీ, రాజ‌కీయ జీవితాల‌ ఆధారంగా తెర‌కెక్కుతున్న విష‌యం తెలిసిందే.

సంక్రాంతికి ప్రేక్ష‌కుల ముందుకు రానున్న ఈ సినిమా శ‌ర‌వేగంగా చిత్రీక‌ర‌ణ జ‌రుపుకొంటోంది. మ‌రో ప‌క్క పోస్ట్ ప్రొడ‌క్ష‌న్ కార్య‌క్ర‌మాల్ని కూడా సమాంత‌రంగా చేస్తున్నారు.