ఎన్టీఆర్ - త్రివిక్ర‌మ్ కాంబినేష‌న్‌లో ఓ సినిమా ప‌ట్టాలెక్క‌బోతు్న్న సంగ‌తి తెలిసిందే. హారిక హాసిని క్రియేష‌న్స్ తో క‌లిసి, క‌ల్యాణ్ రామ్ ఈ చిత్రాన్ని నిర్మించ‌నున్నారు. 2021 వేస‌వికి ఈచిత్రాన్ని విడుద‌ల చేస్తారు. అతి త్వ‌ర‌లోనే ఈ సినిమాకి క్లాప్ కొట్ట‌నున్నారు. క‌థానాయిక‌గా రెండు మూడు పేర్లు గ‌ట్టిగా వినిపిస్తున్నాయి. నిన్న మొన్న‌టి వ‌ర‌కూ ర‌ష్మిక రేసులో ఉండేది. స‌డ‌న్‌గా పూజా హెగ్డే పేరు బ‌య‌ట‌కు వ‌చ్చింది. త్రివిక్ర‌మ్ గ‌త రెండు చిత్రాల్లోనూ పూజా హెగ్డేనే క‌థానాయిక. ఆ సెంటిమెంట్‌తో పూజాని మ‌రోసారి ఎంచుకోవాల‌ని త్రివిక్ర‌మ్ భావిస్తున్నాడు.
తాజాగా `భీష్మ` హిట్టుతో రేష్మిక మ‌ళ్లీ రేసులోకి వ‌చ్చేసింది. ఈ సినిమాలో ర‌ష్మిక న‌ట‌న, త‌న గ్లామ‌ర్ ప్రేక్ష‌కుల్ని క‌ట్టిప‌డేస్తున్నాయి. ముఖ్యంగా డాన్సుల్లో వీర ప్ర‌తాపం చూపించింది. దాంతో ర‌ష్మిక అయితే ఎన్టీఆర్ ప‌క్క‌న బావుంటుంద‌న్న అభిప్రాయం క‌లుగుతోంది. ఈ విష‌యంలో త్రివిక్ర‌మ్ పున‌రాలోలించే అవ‌కాశం ఉంది. ఎన్టీఆర్ ఓటు కూడా ర‌ష్మిక‌కే అని స‌మాచారం. మొత్తానికి క‌థానాయిక విష‌యంలో త్రివిక్ర‌మ్ క‌న్‌ఫ్యూజ‌న్‌ని మ‌రింత పెంచింది భీష్మ విజ‌యం.
