వి.ఐ.ఆనంద్‌ దర్శకత్వంలో రవితేజ హీరోగా తెరకెక్కుతోన్న చిత్రానికి 'డిస్కోరాజా' అనే టైటిల్‌ చాలా రోజులుగా ప్రచారంలో ఉంది. ఈ రోజు రవితేజ పుట్టినరోజు సందర్భంగా 'డిస్కోరాజా' టైటిల్‌ కన్‌ఫామ్‌ చేస్తూ, టైటిల్‌ లోగోతో కూడిన ఫస్ట్‌లుక్‌ని చిత్ర యూనిట్‌ విడుదల చేసింది. టైటిల్‌ని డిఫరెంట్‌గా డిజైన్‌ చేశారు. బటర్‌ఫ్లైలో 'డిస్కోరాజా' టైటిల్‌ని ఇంగ్లీష్‌, తెలుగులో మిక్స్‌ చేసి డిజైన్‌ చేశారు.
అసలు సిసలు మీనింగ్‌ అంతా అక్కడే ఉంది. పోస్టర్‌లో 'ఈజ్‌' కొట్టేసి, 'వజ్‌' అని పెట్టారు. 'ప్లే' కొట్టేసి, 'కిల్‌' అని పెట్టారు. ఇలా పోస్టర్‌లో చాలా చాలా ఇంట్రెస్టింగ్‌ ఎలిమెంట్స్‌ ఉన్నాయి. ఆ ఇంట్రెస్ట్‌ని స్టోరీలో మరింత ఆశక్తిగా చూపించనున్నారట. ఈ సినిమాలో రవితేజ డబుల్‌ రోల్‌ పోషిస్తున్నాడనీ సమాచారమ్‌. ఓ పాత్ర పేరు డిస్కోరాజా అట. ఆ పాత్ర పేరునే టైటిల్‌గా పెట్టారనీ తెలుస్తోంది.
అంతేకాదు, థ్రిల్లింగ్‌ ఫ్లాష్‌ బ్యాక్‌ ఎపిసోడ్‌ ఉంటుందట. ఆ ఫ్లాష్‌బ్యాక్‌కి చాలా కొత్తగా స్క్రిప్టు ప్రిపేర్‌ చేశాడట డైరెక్టర్‌ వి.ఐ.ఆనంద్‌. వి.ఐ.ఆనంద్‌ అంటే గతంలో 'ఎక్కడికి పోతావు చిన్నవాడా', 'ఒక్క క్షణం' సినిమాలను అత్యద్భుతంగా తెరకెక్కించి సక్సెస్‌తో పాటు విమర్శకుల ప్రశంసలు కూడా అందుకున్నాడు. ఇప్పుడు రవితేజతో ఓ సర్‌ప్రైజ్‌ హిట్‌ని అందుకునేందుకు సిద్ధంగా ఉన్నాడు. 'ఆర్‌ఎక్స్‌ 100' బ్యూటీ పాయల్‌ రాజ్‌పుత్‌ ఈ సినిమాలో హీరోయిన్‌గా నటిస్తోంది.
