రవితేజ ట్రిపుల్‌ రోల్‌లో వస్తోన్న చిత్రం 'అమర్‌ అక్బర్‌ ఆంటోనీ'. లేటెస్టుగా ఈ సినిమా నుండి టీజర్‌ వదిలారు. టీజర్‌ చాలా బాగుంది. విజువల్స్‌ రిచ్‌గా కనిపిస్తున్నాయి. బ్యాక్‌ గ్రౌండ్‌ స్కోర్‌ ఆకట్టుకునేలా ఉంది. రవితేజ మూడు గెటప్పులూ క్లియర్‌గా రివీల్‌ చేశారు ఈ టీజర్‌లో.
యాక్షన్‌ బ్యాక్‌ డ్రాప్‌లో తెరకెక్కుతోన్న క్రైమ్‌ థ్రిల్లర్‌గా ఈ సినిమా కనిపిస్తోంది. శీను వైట్ల దర్శకత్వంలో తెరకెక్కుతోన్న ఈ సినిమాలో ఇలియానా హీరోయిన్‌గా నటిస్తోంది. చాలా కాలం తర్వాత ఇలియానా ఈ సినిమాతో సెకండ్‌ ఇన్నింగ్స్‌ స్టార్ట్‌ చేసింది. టీజర్‌లో ఇలియానా చాలా బొద్దుగా ముద్దుగా కనిపిస్తోంది. రవితేజ మూడు గెటప్పులూ సూపర్బ్‌ అనిపించేలా ఉన్నాయి. గతంలో శీను వైట్ల - రవితేజ కాంబినేషన్‌లో 'వెంకీ', 'దుబాయ్‌ శీను' తదితర చిత్రాలు వచ్చాయి.
కానీ వాటిన్నింటికీ ఈ చిత్రం భిన్నంగా ఉండేలా ఉంది టీజర్‌ని బట్టి చూస్తే. 'రాజా ది గ్రేట్‌' సినిమాతో సెకండ్‌ ఇన్నింగ్స్‌ స్టార్ట్‌ చేసిన రవితేజకి ఈ సినిమా మంచి హిట్‌ ఇస్తుందని టీజర్‌ ని బట్టి అర్ధమవుతోంది. 'రంగస్థలం' సినిమాతో బ్లాక్‌ బస్టర్‌ అందుకున్న మైత్రీ మూవీస్‌ బ్యానర్‌లో ఈ సినిమా రూపొందుతోంది. బడ్జెట్ విషయంలో ఎక్కడా రాజీ పడకుండా రవితేజ కెరీర్‌లోనే భారీ బడ్జెట్ చిత్రంగా ఈ సినిమా రూపొందిందని టీజర్‌లో కట్‌ చేసిన రిచ్‌ విజువల్స్‌ చెప్పకనే చెప్పేస్తున్నాయి.
పోస్టర్స్‌తో స్పెషల్‌ ఇంట్రెస్ట్‌ రేకెత్తించిన ఈ మూవీపై అంచనాల్ని లేటెస్ట్‌ టీజర్‌ నెక్ట్స్‌ లెవల్‌కి చేరేలా చేసింది. నవంబర్‌ 16న 'అమర్‌ అక్బర్‌ ఆంటోనీ' ప్రేక్షకుల ముందుకు రానుంది.
