ఈ సంక్రాంతికి పవన్ కళ్యాణ్ నుండి అజ్ఞాతవాసి సినిమా సినీ అభిమానులకి సంక్రాంతి కానుకగా రానుంది అన్న భావన ప్రతి ఒక్కరిలో ఉంది. ఈ తరుణంలో అందరి కళ్ళు అజ్ఞాతవాసి పైనే ఉన్నాయి.
ఇదిలావుండగా బాలకృష్ణ కూడా ఈ సంక్రాంతి సీజన్ లో ‘జై సింహ’ గా రానున్నాడు. వీళ్ళిద్దరే ఈ రేసులో ఉన్నారు అని అనుకుంటుండగా అందరికి షాక్ ఇచ్చేందుకు మాస్ మహారాజ రవితేజ రెడీ అవుతున్నట్టు సమాచారం. వివరాల్లోకి వెళితే, రవి తేజ్ కొత్త చిత్రం టచ్ చేసి చూడు సినిమా షూటింగ్ పూర్తయ్యి ప్రస్తుతం పోస్ట్ ప్రొడక్షన్ పనుల్లో ఉందట.
ఇక ఈ చిత్రాన్ని కూడా సంక్రాంతికి బరిలోకి దింపితే వసూళ్ళ పరంగా మంచి అవకాశాలు ఉంటాయి అన్న ఆలోచనలో ఉన్నారంట దర్శక నిర్మాతలు. సంక్రాంతి సీజన్ అంటేనే సినిమాలు పెద్ద ఎత్తున విడుదల అవుతూ ప్రేక్షకులకి పండగ వాతావరణం కలిపిస్తుంటుంది.
మరి చూద్దాం.. పవన్ అజ్ఞాతవాసి వసూళ్ళకి రవితేజ ఏమేర గండి కొడతాడో..
